1 of 3 
ភ្នំពេញ: លោក សួង សុភ័ណ្ឌ ប្រធានចលនាយុវជនគណបក្ស សម រង្ស៊ី បានដាក់ពាក្យបណ្តឹង ទៅកាន់តុលាការសាលាដំបូងរាជធានីភ្នំពេញ នៅព្រឹកថ្ងៃទី៣០ ខែវិច្ឆិកា ឆ្នាំ២០១២ ចោទប្រកាន់សម្តេចនាយករដ្ឋមន្ត្រី ហ៊ុន សែន ពីបទមនុស្សឃាតដោយគិតទុកជាមុន។ ប្រធានចលនាយុវជនគណបក្ស សម រង្ស៊ី បានអះអាងថា សម្តេច ហ៊ុន សែន ជាអ្នកទទួលខុសត្រូវក្នុងហេតុការណ៍មនុស្សផ្អើលរត់ជាន់គ្នាស្លាប់នៅយប់បង្ហើយ នៃពិធីបុណ្យអុំទូក កាលពីយប់ថ្ងៃទី២២ ខែវិច្ឆិកា ឆ្នាំ២០១០។
ពាក្យបណ្តឹងរបស់លោក សួង សុភ័ណ្ឌ ត្រូវបានក្រឡាបញ្ជី បោះត្រាទទួលយកហើយ កាលពីព្រឹកថ្ងៃទី៣០ ខែវិច្ឆិកា ឆ្នាំ២០១២។
លោក សួង សុភ័ណ្ឌ បានឲ្យដឹងថា បន្ទាប់ពីពាក្យបណ្តឹងប្រឆាំងនឹងសម្តេច ហ៊ុន សែន លោកក៏គ្រោងនឹងដាក់ពាក្យបណ្តឹងដូចគ្នានេះដែរ ប្រឆាំងនឹងសម្តេចចៅហ្វាវាំង គង់ សំអុល រដ្ឋមន្ត្រីព្រះបរមរាជវាំង និងជាប្រធានគណៈកម្មាធិការជាតិរៀបចំបុណ្យជាតិ និងអន្តរជាតិ ព្រមទាំងលោក ទូច ណារ៉ុថ អតីតស្នងការប៉ូលិសរាជធានីភ្នំពេញ និងលោក កែប ជុតិមា អភិបាលរាជធានីភ្នំពេញ ក្នុងរឿងហេតុដែលនាំឲ្យមានមនុស្សស្លាប់នៅកោះពេជ្រ ក្នុងយប់បង្ហើយនៃពិធីបុណ្យអុំទូក កាលពីថ្ងៃទី២២វិច្ឆិកា ឆ្នាំ២០១០។
លោក សួង សុភ័ណ្ឌ បានបន្ថែមថា នៅខែធ្នូខាងមុខឆាប់ៗនេះ លោកនឹងធ្វើដំណើរទៅកាន់ប្រទេសហូឡង់ ដើម្បីដាក់ពាក្យបណ្តឹងដូចគ្នាទៅកាន់តុលាការយុត្តិធម៌អន្តរជាតិទីក្រុងឡាអេ។
បន្ទាប់ពីដាក់ពាក្យបណ្តឹងនៅតុលាការ លោក សួង សុភ័ណ្ឌ បានថ្លែងទៅកាន់ក្រុមអ្នកកាសែតថា "នៅថ្ងៃទី២២ ខែវិច្ឆិកា កន្លងផុតទៅរយៈពេលពីរឆ្នាំនេះ ស្ពានកោះពេជ្រ ត្រូវបានសម្លាប់មនុស្ស ដែលមានពលរដ្ឋ និងយុវជន ប្រមាណ ៣៥៣ នាក់ ហើយអ្នករងរបួសជាង ៤០០ នាក់ ហើយយើងឃើញថា ការរៀបចំបុណ្យជាតិ និងការគ្រប់គ្រងស្ថានការណ៍ទាំងអស់នោះ លោកនាយករដ្ឋមន្ត្រី ហ៊ុន សែន គឺជាអ្នកគ្រប់គ្រង។ លោក ហ៊ុន សែន គឺជាអ្នកគ្រប់គ្រងស្ថានការណ៍ទាំងអស់នោះ។ ប៉ុន្តែលោក ហ៊ុន សែន គាត់បានបណ្តោយឲ្យស្ថានការណ៍នោះ សម្លាប់មនុស្សយ៉ាងច្រើននាក់ រាប់រយនាក់ រាប់ពាន់នាក់។ ដូច្នេះ ក្នុងនាមខ្ញុំជាយុវជន ក្នុងនាមខ្ញុំ ដែលប្រកាន់គោលជំហរស្រលាញ់យុវជន ប្រកាន់គោលជំហរដើម្បីយុវជន គឺយើងមិនអាចបណ្តោយឲ្យស្ថានការណ៍នេះ យកទៅលាក់ទុក ជាពិសេសលោកនាយករដ្ឋមន្ត្រី ហ៊ុន សែន បានលើកឡើងច្បាស់ណាស់ថា នឹងយកថ្ងៃទី២២វិច្ឆិកា ២០១០ ជាថ្ងៃបុណ្យជាតិ ហើយមួយវិញទៀត លោកបានលើកឡើងថា នឹងគោរពជារៀងរាល់ឆ្នាំ។ ប៉ុន្តែផ្ទុយទៅវិញ យើងឃើញពីរឆ្នាំកន្លងមកនេះ គ្មានការគោរពវិញ្ញាណក្ខ័ន្ធ ដែលលោកនាយករដ្ឋមន្ត្រី ដែលជាអ្នករៀបចំ សោះឡើយ"។
ដោយអះអាងថា ការដាក់ពាក្យប្តឹងនេះ ក្នុងនាមតំណាងឲ្យជនរងគ្រោះ និងក្នុងនាមជាយុវជនខ្មែរ ដែលមានយុវជន ដែលស្លាប់នៅកោះពេជ្រ លោក សួង សុភ័ណ្ឌ បានគូសបញ្ជាក់ ដោយក្តីសង្ឃឹមថា បើសិនជាតុលាការយុត្តិធម៌ គួរតែតុលាការ ចាត់ការលើពាក្យបណ្តឹងរបស់លោក ដែលបានប្តឹងចោទប្រកាន់លើសម្តេចនាយករដ្ឋមន្ត្រី ហ៊ុន សែន ក្នុងឧបទ្ទវហេតុ នៅកោះពេជ្រ ខណៈដែលលោក បានភ្ជាប់មកជាមួយពាក្យបណ្តឹងនូវភស្តុតាងជារូបថត និងខ្សែវិដេអូ ជាដើម។
ចំពោះមូលហេតុ ដែលអ្នកកាសែតចោទសួរថា ហេតុការណ៍នៅកោះពេជ្រ បានរំលងផុត ពីរឆ្នាំទៅហើយ ហេតុអ្វីទើបលោក សួង សុភ័ណ្ឌ ដាក់ពាក្យបណ្តឹង ទៅតុលាការ នៅពេលនេះ?។ លោក សួង សុភ័ណ្ឌ អះអាងថា លោកទុកពេលប្រមូលភស្តុតាង និងរង់ចាំមើលចំណាត់ការរបស់រដ្ឋាភិបាល លើករណីនោះ។
លោក សួង សុភ័ណ្ឌ បានបញ្ជាក់ថា "ខ្ញុំរង់ចាំអស់ពីរឆ្នាំហើយ។ រង់ចាំឲ្យរដ្ឋាភិបាល ក៏ដូចជាលោក ហ៊ុន សែន ចាត់វិធានការ។ ប៉ុន្តែផ្ទុយទៅវិញ លោក ហ៊ុន សែន បានចាត់វិធានការរៀបចំគណៈកម្មាធិការបែបឡមៗ។ រៀបចំគណៈកម្មាធិការគ្នាឯង ហើយស៊ើបអង្កេត ហើយលើសពីនេះទៀត លោកនាយករដ្ឋមន្ត្រី ហ៊ុន សែន បានជំទាស់រាល់ការសំណូមពររបស់អង្គការសង្គមស៊ីវិលជាតិ និងអន្តរជាតិ ក្នុងករណីស៊ើបអង្កេតលើករណីកោះពេជ្រ។ ដូច្នេះយើងមើលរូបភាព គឺឃើញថា លោក ហ៊ុន សែន កំពុងតែព្យាយាមលុបបំបាត់ក៏ដូចជាឲ្យភ្លេចករណីកោះពេជ្រនេះ"។
លោក សួង សុភ័ណ្ឌ បានបន្ថែមថា "ភស្តុតាងមួយទៀត ខ្ញុំសូមបញ្ជាក់ឲ្យបានច្បាស់ថា មុនការកើតឡើងនូវករណីស្លាប់មនុស្សនៅកោះពេជ្រនេះ យើងឃើញថា ផ្លូវខាងលិចស្ពាននៅកោះពេជ្រនេះ ត្រូវបានបិទ។ ផ្លូវបិទនេះហើយ ធ្វើឲ្យមានការកកស្ទះ ហើយស្លាប់។ មួយវិញទៀត ខ្ញុំបញ្ជាក់ឲ្យបានច្បាស់ថា វាមិនមែនជារឿងដែលកើតឡើងឯងៗ ឬជារឿងដោយចៃដន្យទេ គឺមានការរៀបចំទុក។ យើងមានការសោកស្តាយ ក្រោយហេតុការណ៍ នៅម៉ោងជាង ៩ យើងមិនឃើញថា លោកនាយករដ្ឋមន្ត្រី ហ៊ុន សែន មានចំណាត់ការអ្វីទាំងអស់ ក្រៅតែពីការបូមទឹក ការបាញ់ទឹក ដែលនាំឲ្យជនរងគ្រោះ ដកដង្ហើមមិនរួច រឹតតែស្លាប់បន្ថែមទៀត។ លើសពីនេះទៀត នៅពេលកើតហេតុ ក្រុមប៉ូលិស កងម្លាំង គឺមិនមានទាល់តែសោះ វាខុសប្លែកអំពីខ្ញុំធ្វើបាតុកម្ម និងវាខុសប្លែកពីពេលប្រជាពលរដ្ឋបឹងកក់ និងបុរីកីឡាធ្វើបាតុកម្ម គឺមានប៉ូលិសច្រើន។ វាខុសប្លែកដាច់តែម្តង"។
មេដឹកនាំចលនាយុវជនគណបក្ស សម រង្ស៊ី ក៏បានបញ្ជាក់ថា លោកមិនខ្លាចញញើតនឹងការប្តឹងបករបស់សម្តេច ហ៊ុន សែន ប្រឆាំងរូបលោកវិញ ដូចករណីលោកស្រី មូរ សុខហួរ អ្នកតំណាងរាស្ត្រគណបក្ស សម រង្ស៊ី កាលពីឆ្នាំ២០០៩។
លោក សួង សុភ័ណ្ឌ បានលើកឡើងថា "ករណីលោកជំទាវ មូរ សុខហួរ និងលោកនាយករដ្ឋមន្ត្រី ហ៊ុន សែន ជារឿងបុគ្គល និងបុគ្គល តែករណីរបស់ខ្ញុំ ជាករណីប្រជាពលរដ្ឋ ដែលស្លាប់ ៣៥៣ នាក់។ ខ្ញុំជាអ្នកឈឺចាប់។ ខ្ញុំមានបង មានប្អូន មានជីទួតមួយ ដែលរងគ្រោះ នៅក្នុងករណីនឹង ហើយខ្ញុំជាជនរួមជាតិម្នាក់ មិនអាចមើលតែភ្នែកទទេ ហើយឲ្យលោក ហ៊ុន សែន ធ្វើអ្វីស្រេចតែចិត្តទេ ត្រូវតែយកច្បាប់មកអនុវត្ត មិនមែនយកច្បាប់មកដាក់នៅក្រោមទ្រនាប់ជើងទេ។ ដូច្នេះ ខ្ញុំសូមបញ្ជាក់ឲ្យបានច្បាស់ថា បើទោះបីជា លោកនាយករដ្ឋមន្ត្រី ហ៊ុន សែន ប្តឹងបកក៏ដោយ ក៏ខ្ញុំអត់ខ្លាច ក្នុងការទប់ទល់ដែរ ព្រោះខ្ញុំបញ្ជាក់ឲ្យបានច្បាស់ថា ករណីនេះ គឺឃើញនឹងភ្នែកតែម្តង មានមនុស្សស្លាប់ ៣៥៣ នាក់ គឺជាភស្តុតាង មានមនុស្សរងគ្រោះ ៤០០ នាក់ជាង ស្ពានកោះពេជ្រ ត្រូវបានវ៉ៃកម្ទេច បំបាត់ភស្តុតាង ហើយមានចេតិយ ដែលតម្កល់រួចជាស្រេច"។
ចំពោះការដាក់ពាក្យបណ្តឹងខាងលើនេះ ត្រូវបានលោក ទិត សុធា អនុប្រធាន និងជាអ្នកនាំពាក្យអង្គភាពព័ត៌មាន និងប្រតិកម្មរហ័ស របស់ទីស្តីការគណៈរដ្ឋមន្ត្រី បានមានប្រសាសន៍ថា "ការប្តឹងណាមួយ ជាសិទ្ធិរបស់ពលរដ្ឋ ប៉ុន្តែត្រូវពិចារណាឲ្យបានល្អិតល្អន់អំពីទិដ្ឋភាពច្បាប់។ ប្រសិនបើការប្តឹងចោទប្រកាន់នោះ ដែលមិនមានភស្តុតាងច្បាស់លាស់ គឺអ្នកដែលទទួលរងនូវការប្តឹង ( សម្តេច ហ៊ុន សែន ) មានសិទ្ធិនៅក្នុងការពារនូវកិត្តិយសរបស់ខ្លួន។ ដូច្នេះអាចថា ជាការពិចារណារបស់រដ្ឋាភិបាល ជាពិសេសរបស់សម្តេចតេជោ នាយករដ្ឋមន្ត្រី ដើម្បីនឹងប្តឹងបកវិញ។ ប៉ុន្តែកម្រិតនៃការធ្វើយ៉ាងណានោះ គឺជាការសម្រេចរបស់សម្តេចនាយករដ្ឋមន្ត្រី"។
លោក ទិត សុធា បានបន្ថែមថា "នេះជាការយកកិត្តិយស និងជាការជាន់ឈ្លីកិត្តិយសរបស់ប្រមុខរាជរដ្ឋាភិបាល តាមរយៈកម្សោយនៃជីវិតនយោបាយរបស់ក្រុមខ្លួន មកភ្ជាប់បញ្ហាទម្លាក់កំហុសមកលើរដ្ឋាភិបាល ដែលជាអ្នករក្សានូវស្ថិរភាពសង្គម ហើយរាជរដ្ឋាភិបាលយកចិត្តខ្ពស់ក្នុងការដោះស្រាយនៅពេលមានឧបទ្ទវហេតុចៃដន្យ នៅកោះពេជ្រនោះកើតឡើង។ រដ្ឋាភិបាល មានចំណាត់វិធានការជាបន្តបន្ទាប់ និងមានការសោកស្តាយជុំវិញគ្រោះថ្នាក់ដែលកើតឡើងជាយថាហេតុនោះ"។
លោក ទិត សុធា ក៏បានបញ្ជាក់ថា "មិនគួរត្រូវបានក្រុមយុវជននៃគណបក្សប្រឆាំងយកសាកសពរបស់ពលរដ្ឋរងគ្រោះមកធ្វើជាល្បែងនយោបាយ ដើម្បីភាពឡប់ឡែរបស់ខ្លួននោះទេ។ ម្យ៉ាងទៀត ការធ្វើអ្វីមួយត្រូវស្ថិតនៅក្នុងក្របខ័ណ្ឌនៃច្បាប់ ដែលត្រូវគិតអំពីកិត្តិយសរបស់អ្នកដទៃផង"។
សូមរម្លឹកថា ព្រឹត្តិការណ៍ផ្អើលរត់ជាន់គ្នានៅលើស្ពានពេជ្រ នៅកោះពេជ្រ កាលពីយប់ថ្ងៃទី៣ នៃពិធីបុណ្យអុំទូក ថ្ងៃទី២២ ខែវិច្ឆិកា ឆ្នាំ២០១០ នាំឲ្យមានមនុស្សស្លាប់ចំនួន ៣៥៣ នាក់ និងរបួសជាង ៤០០ នាក់ ផ្សេងទៀត។
ក្នុងឧបទ្ទវហេតុផ្អើលរត់ជាន់គ្នានៅកោះពេជ្រ ត្រូវបានរាជរដ្ឋាភិបាល ប្រកាសថា ជាឧបទ្ទវហេតុដែលនឹកស្មានមិនដល់ ហើយមិនមានអាជ្ញាធរណាមួយ ត្រូវបានស្តីបន្ទោស ឬក៏ដាក់ទណ្ឌកម្មនោះឡើយ។
យ៉ាងណាក៏ដោយ សម្តេចនាយករដ្ឋមន្ត្រី ហ៊ុន សែន បានដឹកនាំមន្ត្រីរដ្ឋាភិបាល ទៅគោរពវិញ្ញាណក្ខន្ធអ្នកស្លាប់នៅលើស្ពានពេជ្រ ព្រមទាំងផ្តល់សំណងដល់ក្រុមគ្រួសារអ្នកស្លាប់ និងអ្នករងរបួស។ ស្តូបរម្លឹកវិញ្ញាណក្ខន្ធអ្នកស្លាប់ ៣៥៣ នាក់ ក៏ត្រូវបានរដ្ឋាភិបាលសាងសង់នៅគល់ស្ពានពេជ្រផងដែរ។
ក៏ប៉ុន្តែស្ពានពេជ្រ ដែលជាកន្លែងកើតឧបទ្ទវហេតុ ជាប់មនុស្ស រត់ជាន់គ្នាស្លាប់នោះ ត្រូវបានគេវាយកម្ទេចចោល កាលពីដើមឆ្នាំ២០១២នេះ៕
ពាក្យបណ្តឹងរបស់លោក សួង សុភ័ណ្ឌ ត្រូវបានក្រឡាបញ្ជី បោះត្រាទទួលយកហើយ កាលពីព្រឹកថ្ងៃទី៣០ ខែវិច្ឆិកា ឆ្នាំ២០១២។
លោក សួង សុភ័ណ្ឌ បានឲ្យដឹងថា បន្ទាប់ពីពាក្យបណ្តឹងប្រឆាំងនឹងសម្តេច ហ៊ុន សែន លោកក៏គ្រោងនឹងដាក់ពាក្យបណ្តឹងដូចគ្នានេះដែរ ប្រឆាំងនឹងសម្តេចចៅហ្វាវាំង គង់ សំអុល រដ្ឋមន្ត្រីព្រះបរមរាជវាំង និងជាប្រធានគណៈកម្មាធិការជាតិរៀបចំបុណ្យជាតិ និងអន្តរជាតិ ព្រមទាំងលោក ទូច ណារ៉ុថ អតីតស្នងការប៉ូលិសរាជធានីភ្នំពេញ និងលោក កែប ជុតិមា អភិបាលរាជធានីភ្នំពេញ ក្នុងរឿងហេតុដែលនាំឲ្យមានមនុស្សស្លាប់នៅកោះពេជ្រ ក្នុងយប់បង្ហើយនៃពិធីបុណ្យអុំទូក កាលពីថ្ងៃទី២២វិច្ឆិកា ឆ្នាំ២០១០។
លោក សួង សុភ័ណ្ឌ បានបន្ថែមថា នៅខែធ្នូខាងមុខឆាប់ៗនេះ លោកនឹងធ្វើដំណើរទៅកាន់ប្រទេសហូឡង់ ដើម្បីដាក់ពាក្យបណ្តឹងដូចគ្នាទៅកាន់តុលាការយុត្តិធម៌អន្តរជាតិទីក្រុងឡាអេ។
បន្ទាប់ពីដាក់ពាក្យបណ្តឹងនៅតុលាការ លោក សួង សុភ័ណ្ឌ បានថ្លែងទៅកាន់ក្រុមអ្នកកាសែតថា "នៅថ្ងៃទី២២ ខែវិច្ឆិកា កន្លងផុតទៅរយៈពេលពីរឆ្នាំនេះ ស្ពានកោះពេជ្រ ត្រូវបានសម្លាប់មនុស្ស ដែលមានពលរដ្ឋ និងយុវជន ប្រមាណ ៣៥៣ នាក់ ហើយអ្នករងរបួសជាង ៤០០ នាក់ ហើយយើងឃើញថា ការរៀបចំបុណ្យជាតិ និងការគ្រប់គ្រងស្ថានការណ៍ទាំងអស់នោះ លោកនាយករដ្ឋមន្ត្រី ហ៊ុន សែន គឺជាអ្នកគ្រប់គ្រង។ លោក ហ៊ុន សែន គឺជាអ្នកគ្រប់គ្រងស្ថានការណ៍ទាំងអស់នោះ។ ប៉ុន្តែលោក ហ៊ុន សែន គាត់បានបណ្តោយឲ្យស្ថានការណ៍នោះ សម្លាប់មនុស្សយ៉ាងច្រើននាក់ រាប់រយនាក់ រាប់ពាន់នាក់។ ដូច្នេះ ក្នុងនាមខ្ញុំជាយុវជន ក្នុងនាមខ្ញុំ ដែលប្រកាន់គោលជំហរស្រលាញ់យុវជន ប្រកាន់គោលជំហរដើម្បីយុវជន គឺយើងមិនអាចបណ្តោយឲ្យស្ថានការណ៍នេះ យកទៅលាក់ទុក ជាពិសេសលោកនាយករដ្ឋមន្ត្រី ហ៊ុន សែន បានលើកឡើងច្បាស់ណាស់ថា នឹងយកថ្ងៃទី២២វិច្ឆិកា ២០១០ ជាថ្ងៃបុណ្យជាតិ ហើយមួយវិញទៀត លោកបានលើកឡើងថា នឹងគោរពជារៀងរាល់ឆ្នាំ។ ប៉ុន្តែផ្ទុយទៅវិញ យើងឃើញពីរឆ្នាំកន្លងមកនេះ គ្មានការគោរពវិញ្ញាណក្ខ័ន្ធ ដែលលោកនាយករដ្ឋមន្ត្រី ដែលជាអ្នករៀបចំ សោះឡើយ"។
ដោយអះអាងថា ការដាក់ពាក្យប្តឹងនេះ ក្នុងនាមតំណាងឲ្យជនរងគ្រោះ និងក្នុងនាមជាយុវជនខ្មែរ ដែលមានយុវជន ដែលស្លាប់នៅកោះពេជ្រ លោក សួង សុភ័ណ្ឌ បានគូសបញ្ជាក់ ដោយក្តីសង្ឃឹមថា បើសិនជាតុលាការយុត្តិធម៌ គួរតែតុលាការ ចាត់ការលើពាក្យបណ្តឹងរបស់លោក ដែលបានប្តឹងចោទប្រកាន់លើសម្តេចនាយករដ្ឋមន្ត្រី ហ៊ុន សែន ក្នុងឧបទ្ទវហេតុ នៅកោះពេជ្រ ខណៈដែលលោក បានភ្ជាប់មកជាមួយពាក្យបណ្តឹងនូវភស្តុតាងជារូបថត និងខ្សែវិដេអូ ជាដើម។
ចំពោះមូលហេតុ ដែលអ្នកកាសែតចោទសួរថា ហេតុការណ៍នៅកោះពេជ្រ បានរំលងផុត ពីរឆ្នាំទៅហើយ ហេតុអ្វីទើបលោក សួង សុភ័ណ្ឌ ដាក់ពាក្យបណ្តឹង ទៅតុលាការ នៅពេលនេះ?។ លោក សួង សុភ័ណ្ឌ អះអាងថា លោកទុកពេលប្រមូលភស្តុតាង និងរង់ចាំមើលចំណាត់ការរបស់រដ្ឋាភិបាល លើករណីនោះ។
លោក សួង សុភ័ណ្ឌ បានបញ្ជាក់ថា "ខ្ញុំរង់ចាំអស់ពីរឆ្នាំហើយ។ រង់ចាំឲ្យរដ្ឋាភិបាល ក៏ដូចជាលោក ហ៊ុន សែន ចាត់វិធានការ។ ប៉ុន្តែផ្ទុយទៅវិញ លោក ហ៊ុន សែន បានចាត់វិធានការរៀបចំគណៈកម្មាធិការបែបឡមៗ។ រៀបចំគណៈកម្មាធិការគ្នាឯង ហើយស៊ើបអង្កេត ហើយលើសពីនេះទៀត លោកនាយករដ្ឋមន្ត្រី ហ៊ុន សែន បានជំទាស់រាល់ការសំណូមពររបស់អង្គការសង្គមស៊ីវិលជាតិ និងអន្តរជាតិ ក្នុងករណីស៊ើបអង្កេតលើករណីកោះពេជ្រ។ ដូច្នេះយើងមើលរូបភាព គឺឃើញថា លោក ហ៊ុន សែន កំពុងតែព្យាយាមលុបបំបាត់ក៏ដូចជាឲ្យភ្លេចករណីកោះពេជ្រនេះ"។
លោក សួង សុភ័ណ្ឌ បានបន្ថែមថា "ភស្តុតាងមួយទៀត ខ្ញុំសូមបញ្ជាក់ឲ្យបានច្បាស់ថា មុនការកើតឡើងនូវករណីស្លាប់មនុស្សនៅកោះពេជ្រនេះ យើងឃើញថា ផ្លូវខាងលិចស្ពាននៅកោះពេជ្រនេះ ត្រូវបានបិទ។ ផ្លូវបិទនេះហើយ ធ្វើឲ្យមានការកកស្ទះ ហើយស្លាប់។ មួយវិញទៀត ខ្ញុំបញ្ជាក់ឲ្យបានច្បាស់ថា វាមិនមែនជារឿងដែលកើតឡើងឯងៗ ឬជារឿងដោយចៃដន្យទេ គឺមានការរៀបចំទុក។ យើងមានការសោកស្តាយ ក្រោយហេតុការណ៍ នៅម៉ោងជាង ៩ យើងមិនឃើញថា លោកនាយករដ្ឋមន្ត្រី ហ៊ុន សែន មានចំណាត់ការអ្វីទាំងអស់ ក្រៅតែពីការបូមទឹក ការបាញ់ទឹក ដែលនាំឲ្យជនរងគ្រោះ ដកដង្ហើមមិនរួច រឹតតែស្លាប់បន្ថែមទៀត។ លើសពីនេះទៀត នៅពេលកើតហេតុ ក្រុមប៉ូលិស កងម្លាំង គឺមិនមានទាល់តែសោះ វាខុសប្លែកអំពីខ្ញុំធ្វើបាតុកម្ម និងវាខុសប្លែកពីពេលប្រជាពលរដ្ឋបឹងកក់ និងបុរីកីឡាធ្វើបាតុកម្ម គឺមានប៉ូលិសច្រើន។ វាខុសប្លែកដាច់តែម្តង"។
មេដឹកនាំចលនាយុវជនគណបក្ស សម រង្ស៊ី ក៏បានបញ្ជាក់ថា លោកមិនខ្លាចញញើតនឹងការប្តឹងបករបស់សម្តេច ហ៊ុន សែន ប្រឆាំងរូបលោកវិញ ដូចករណីលោកស្រី មូរ សុខហួរ អ្នកតំណាងរាស្ត្រគណបក្ស សម រង្ស៊ី កាលពីឆ្នាំ២០០៩។
លោក សួង សុភ័ណ្ឌ បានលើកឡើងថា "ករណីលោកជំទាវ មូរ សុខហួរ និងលោកនាយករដ្ឋមន្ត្រី ហ៊ុន សែន ជារឿងបុគ្គល និងបុគ្គល តែករណីរបស់ខ្ញុំ ជាករណីប្រជាពលរដ្ឋ ដែលស្លាប់ ៣៥៣ នាក់។ ខ្ញុំជាអ្នកឈឺចាប់។ ខ្ញុំមានបង មានប្អូន មានជីទួតមួយ ដែលរងគ្រោះ នៅក្នុងករណីនឹង ហើយខ្ញុំជាជនរួមជាតិម្នាក់ មិនអាចមើលតែភ្នែកទទេ ហើយឲ្យលោក ហ៊ុន សែន ធ្វើអ្វីស្រេចតែចិត្តទេ ត្រូវតែយកច្បាប់មកអនុវត្ត មិនមែនយកច្បាប់មកដាក់នៅក្រោមទ្រនាប់ជើងទេ។ ដូច្នេះ ខ្ញុំសូមបញ្ជាក់ឲ្យបានច្បាស់ថា បើទោះបីជា លោកនាយករដ្ឋមន្ត្រី ហ៊ុន សែន ប្តឹងបកក៏ដោយ ក៏ខ្ញុំអត់ខ្លាច ក្នុងការទប់ទល់ដែរ ព្រោះខ្ញុំបញ្ជាក់ឲ្យបានច្បាស់ថា ករណីនេះ គឺឃើញនឹងភ្នែកតែម្តង មានមនុស្សស្លាប់ ៣៥៣ នាក់ គឺជាភស្តុតាង មានមនុស្សរងគ្រោះ ៤០០ នាក់ជាង ស្ពានកោះពេជ្រ ត្រូវបានវ៉ៃកម្ទេច បំបាត់ភស្តុតាង ហើយមានចេតិយ ដែលតម្កល់រួចជាស្រេច"។
ចំពោះការដាក់ពាក្យបណ្តឹងខាងលើនេះ ត្រូវបានលោក ទិត សុធា អនុប្រធាន និងជាអ្នកនាំពាក្យអង្គភាពព័ត៌មាន និងប្រតិកម្មរហ័ស របស់ទីស្តីការគណៈរដ្ឋមន្ត្រី បានមានប្រសាសន៍ថា "ការប្តឹងណាមួយ ជាសិទ្ធិរបស់ពលរដ្ឋ ប៉ុន្តែត្រូវពិចារណាឲ្យបានល្អិតល្អន់អំពីទិដ្ឋភាពច្បាប់។ ប្រសិនបើការប្តឹងចោទប្រកាន់នោះ ដែលមិនមានភស្តុតាងច្បាស់លាស់ គឺអ្នកដែលទទួលរងនូវការប្តឹង ( សម្តេច ហ៊ុន សែន ) មានសិទ្ធិនៅក្នុងការពារនូវកិត្តិយសរបស់ខ្លួន។ ដូច្នេះអាចថា ជាការពិចារណារបស់រដ្ឋាភិបាល ជាពិសេសរបស់សម្តេចតេជោ នាយករដ្ឋមន្ត្រី ដើម្បីនឹងប្តឹងបកវិញ។ ប៉ុន្តែកម្រិតនៃការធ្វើយ៉ាងណានោះ គឺជាការសម្រេចរបស់សម្តេចនាយករដ្ឋមន្ត្រី"។
លោក ទិត សុធា បានបន្ថែមថា "នេះជាការយកកិត្តិយស និងជាការជាន់ឈ្លីកិត្តិយសរបស់ប្រមុខរាជរដ្ឋាភិបាល តាមរយៈកម្សោយនៃជីវិតនយោបាយរបស់ក្រុមខ្លួន មកភ្ជាប់បញ្ហាទម្លាក់កំហុសមកលើរដ្ឋាភិបាល ដែលជាអ្នករក្សានូវស្ថិរភាពសង្គម ហើយរាជរដ្ឋាភិបាលយកចិត្តខ្ពស់ក្នុងការដោះស្រាយនៅពេលមានឧបទ្ទវហេតុចៃដន្យ នៅកោះពេជ្រនោះកើតឡើង។ រដ្ឋាភិបាល មានចំណាត់វិធានការជាបន្តបន្ទាប់ និងមានការសោកស្តាយជុំវិញគ្រោះថ្នាក់ដែលកើតឡើងជាយថាហេតុនោះ"។
លោក ទិត សុធា ក៏បានបញ្ជាក់ថា "មិនគួរត្រូវបានក្រុមយុវជននៃគណបក្សប្រឆាំងយកសាកសពរបស់ពលរដ្ឋរងគ្រោះមកធ្វើជាល្បែងនយោបាយ ដើម្បីភាពឡប់ឡែរបស់ខ្លួននោះទេ។ ម្យ៉ាងទៀត ការធ្វើអ្វីមួយត្រូវស្ថិតនៅក្នុងក្របខ័ណ្ឌនៃច្បាប់ ដែលត្រូវគិតអំពីកិត្តិយសរបស់អ្នកដទៃផង"។
សូមរម្លឹកថា ព្រឹត្តិការណ៍ផ្អើលរត់ជាន់គ្នានៅលើស្ពានពេជ្រ នៅកោះពេជ្រ កាលពីយប់ថ្ងៃទី៣ នៃពិធីបុណ្យអុំទូក ថ្ងៃទី២២ ខែវិច្ឆិកា ឆ្នាំ២០១០ នាំឲ្យមានមនុស្សស្លាប់ចំនួន ៣៥៣ នាក់ និងរបួសជាង ៤០០ នាក់ ផ្សេងទៀត។
ក្នុងឧបទ្ទវហេតុផ្អើលរត់ជាន់គ្នានៅកោះពេជ្រ ត្រូវបានរាជរដ្ឋាភិបាល ប្រកាសថា ជាឧបទ្ទវហេតុដែលនឹកស្មានមិនដល់ ហើយមិនមានអាជ្ញាធរណាមួយ ត្រូវបានស្តីបន្ទោស ឬក៏ដាក់ទណ្ឌកម្មនោះឡើយ។
យ៉ាងណាក៏ដោយ សម្តេចនាយករដ្ឋមន្ត្រី ហ៊ុន សែន បានដឹកនាំមន្ត្រីរដ្ឋាភិបាល ទៅគោរពវិញ្ញាណក្ខន្ធអ្នកស្លាប់នៅលើស្ពានពេជ្រ ព្រមទាំងផ្តល់សំណងដល់ក្រុមគ្រួសារអ្នកស្លាប់ និងអ្នករងរបួស។ ស្តូបរម្លឹកវិញ្ញាណក្ខន្ធអ្នកស្លាប់ ៣៥៣ នាក់ ក៏ត្រូវបានរដ្ឋាភិបាលសាងសង់នៅគល់ស្ពានពេជ្រផងដែរ។
ក៏ប៉ុន្តែស្ពានពេជ្រ ដែលជាកន្លែងកើតឧបទ្ទវហេតុ ជាប់មនុស្ស រត់ជាន់គ្នាស្លាប់នោះ ត្រូវបានគេវាយកម្ទេចចោល កាលពីដើមឆ្នាំ២០១២នេះ៕
No comments:
Post a Comment