ដោយ ផន រីណា
រង្វាន់កិត្តិយសដែលសហរដ្ឋអាមេរិក ផ្ដល់អោយទៅសកម្មជនប្រឆាំងនឹងការជួញដូរមនុស្សពីប្រទេសចំនួន ១០ រួមទាំងកម្ពុជាផងនោះ មានឈ្មោះថា «រង្វាន់សម្រាប់អ្នកក្លាហានដែលធ្វើសកម្មភាពលុបបំបាត់អំពើទាសភាព សម័យទំនើបឆ្នាំ២០១២ (2012 Hero-Acting-to End- Modern –Day Slavery Award)»។
ព្រហ្ម វណ្ណៈ មានទីលំនៅក្នុងខេត្តពោធិ៍សាត់ គឺជាអតីតជនរងគ្រោះនៃការជួញដូរកម្លាំងពលកម្មនៅលើទូកនេសាទថៃ ពីឆ្នាំ២០០៦ ដល់ឆ្នាំ២០០៩។
នៅរសៀលថ្ងៃអង្គារ ទី១៩ មិថុនា ឆ្នាំ២០១២ លោក ព្រហ្ម វណ្ណៈ អាណន្ត បានចូលខ្លួនមកទទួលរង្វាន់កិត្តិយសជាវីរបុរសផ្នែកប្រឆាំងការ ជួញដូរមនុស្ស ដែលបានផ្ដល់ដោយផ្ទាល់ដៃពីរដ្ឋមន្ត្រីក្រសួងការបរទេសសហរដ្ឋ អាមេរិក អ្នកស្រី ហ៊ីលឡារី គ្លិនតុន (Hillary Clinton)។
ក្រោយពីទទួលបានរង្វាន់ អតីតកម្មករចំណាកស្រុក និងជាអតីតទាសករលើទូកនេសាទថៃ លោក ព្រហ្ម វណ្ណៈ សំដែងទឹកមុខរីករាយ ហើយថ្លែងថា លោករំភើបណាស់ ព្រោះជាលើកដំបូងសម្រាប់ជីវិតលោក ដែលធ្លាប់តែជួបប្រសព្វតែការលំបាកវេទនា ឥឡូវនេះបានមកទទួលរង្វាន់ពិសេសហុចដោយផ្ទាល់ដៃពីមេដឹកនាំអាមេរិក ជាន់ខ្ពស់មួយរូប។
លោក ព្រហ្ម វណ្ណៈ បានចាញ់បោកមេខ្យល់ ហើយបានធ្លាក់ខ្លួនទៅធ្វើការ និងជាទាសករនៅលើទូកនេសាទ អស់រយៈពេល ៣ឆ្នាំ ទើបលោកអាចរត់គេចខ្លួនពីទេសភាពនេះបាន។ ក្នុងយុទ្ធនាការប្រឆាំងនឹងការជួញដូរមនុស្ស និងបង្ហាញពីបទពិសោធន៍លំបាករបស់លោក លោក ព្រហ្ម វណ្ណៈ បានគូរគំនូររៀបរាប់ពីប្រវត្តិទុក្ខលំបាករបស់លោក ពេលធ្វើការនៅលើទូកនេសាទថៃ។
នេះជារង្វាន់មួយដែលក្រសួងការបរទេសសហរដ្ឋអាមេរិក បានផ្ដល់ក្នុងឱកាសបង្ហាញពីរបាយការណ៍ស្ដីពីការជួញដូរមនុស្សនៅ ក្នុងប្រទេសចំនួន ១៨៦ប្រទេសសម្រាប់ឆ្នាំ២០១២ នេះ។
ក្នុងពិធីនេះមានវីរជនចំនួន ១០នាក់ ដែលបានមកទទួលរង្វាន់។ ក្នុងចំណោមអ្នកទាំង ១០នាក់នោះ សុទ្ធតែជាមន្ត្រី ឬសកម្មជនដែលមានស្នាដៃក្នុងការងារប្រឆាំងនឹងការជួញដូរមនុស្ស មានតែលោក ព្រហ្ម វណ្ណៈ ម្នាក់ប៉ុណ្ណោះ ជាជនរងគ្រោះមកពីប្រទេសកម្ពុជា ព្រោះលោកមានស្នាដៃក្នុងការគូរគំនូររៀបរាប់ពីបទពិសោធន៍ដ៏ជូរចត់ របស់លោកនៅលើទូកនេសាទថៃ រយៈពេលជាងបីឆ្នាំ។
ថ្លែងប្រាប់អ្នកយកព័ត៌មានវិទ្យុអាស៊ីសេរី លោក ព្រហ្ម វណ្ណៈ បានអំពាវនាវផ្ដាំផ្ញើដល់បងបងប្អូនខ្មែរឲ្យមានការប្រុងប្រយ័ត្ន កុំចាញ់បោកគេ៖ «មុនទៅត្រូវគិតពិចារណាឲ្យបានដិតដល់ កុំឲ្យដូចខ្ញុំ។ ដោយសារគិតខ្លីហ្នឹងហើយបានខ្ញុំធ្លាក់ក្នុងការជួញដូរដ៏លំបាក បំផុតនៅលើទូកនេសាទអស់រយៈពេលជាង ៣ឆ្នាំ...»។
លោក ព្រហ្ម វណ្ណៈ អោយដឹងថា លោកនឹងបន្តចូលរួមប្រឆាំង និងលុបបំបាត់អំពើជួញដូរមនុស្សតាមរយៈថ្វីដៃគូរគំនូររបស់លោក តាមតម្រូវការរបស់អង្គការ និងស្ថាប័ននានា៕
ស្ដាប់ បទសម្ភាសន៍បន្ថែម
ទស្សនា វីដេអូដែលទាក់ទង
2012-06-20
អតីតទាសករខ្មែរមួយរូបបានទទួលរង្វាន់កិត្តិយសដ៏ឆ្នើមមួយ ពីក្រសួងការបរទេសសហរដ្ឋអាមេរិក។
អតីតជនរងគ្រោះនៃការជួញដូរកម្លាំង
ពលកម្ម លោក ព្រហ្ម វណ្ណៈ អាណន្ត (ឆ្វេង)
ទទួលរង្វាន់ពីអ្នកស្រីរដ្ឋមន្ត្រីក្រសួងការបរទេសសហរដ្ឋអាមេរិក
ហ៊ីលឡារី គ្លិនតុន (Hillary Clinton) នាក្រសួងការបរទេសសហរដ្ឋអាមេរិក
កាលពីថ្ងៃទី១៩ មិថុនា ឆ្នាំ២០១២។
រង្វាន់កិត្តិយសដែលសហរដ្ឋអាមេរិក ផ្ដល់អោយទៅសកម្មជនប្រឆាំងនឹងការជួញដូរមនុស្សពីប្រទេសចំនួន ១០ រួមទាំងកម្ពុជាផងនោះ មានឈ្មោះថា «រង្វាន់សម្រាប់អ្នកក្លាហានដែលធ្វើសកម្មភាពលុបបំបាត់អំពើទាសភាព សម័យទំនើបឆ្នាំ២០១២ (2012 Hero-Acting-to End- Modern –Day Slavery Award)»។
ព្រហ្ម វណ្ណៈ មានទីលំនៅក្នុងខេត្តពោធិ៍សាត់ គឺជាអតីតជនរងគ្រោះនៃការជួញដូរកម្លាំងពលកម្មនៅលើទូកនេសាទថៃ ពីឆ្នាំ២០០៦ ដល់ឆ្នាំ២០០៩។
នៅរសៀលថ្ងៃអង្គារ ទី១៩ មិថុនា ឆ្នាំ២០១២ លោក ព្រហ្ម វណ្ណៈ អាណន្ត បានចូលខ្លួនមកទទួលរង្វាន់កិត្តិយសជាវីរបុរសផ្នែកប្រឆាំងការ ជួញដូរមនុស្ស ដែលបានផ្ដល់ដោយផ្ទាល់ដៃពីរដ្ឋមន្ត្រីក្រសួងការបរទេសសហរដ្ឋ អាមេរិក អ្នកស្រី ហ៊ីលឡារី គ្លិនតុន (Hillary Clinton)។
ក្រោយពីទទួលបានរង្វាន់ អតីតកម្មករចំណាកស្រុក និងជាអតីតទាសករលើទូកនេសាទថៃ លោក ព្រហ្ម វណ្ណៈ សំដែងទឹកមុខរីករាយ ហើយថ្លែងថា លោករំភើបណាស់ ព្រោះជាលើកដំបូងសម្រាប់ជីវិតលោក ដែលធ្លាប់តែជួបប្រសព្វតែការលំបាកវេទនា ឥឡូវនេះបានមកទទួលរង្វាន់ពិសេសហុចដោយផ្ទាល់ដៃពីមេដឹកនាំអាមេរិក ជាន់ខ្ពស់មួយរូប។
លោក ព្រហ្ម វណ្ណៈ បានចាញ់បោកមេខ្យល់ ហើយបានធ្លាក់ខ្លួនទៅធ្វើការ និងជាទាសករនៅលើទូកនេសាទ អស់រយៈពេល ៣ឆ្នាំ ទើបលោកអាចរត់គេចខ្លួនពីទេសភាពនេះបាន។ ក្នុងយុទ្ធនាការប្រឆាំងនឹងការជួញដូរមនុស្ស និងបង្ហាញពីបទពិសោធន៍លំបាករបស់លោក លោក ព្រហ្ម វណ្ណៈ បានគូរគំនូររៀបរាប់ពីប្រវត្តិទុក្ខលំបាករបស់លោក ពេលធ្វើការនៅលើទូកនេសាទថៃ។
នេះជារង្វាន់មួយដែលក្រសួងការបរទេសសហរដ្ឋអាមេរិក បានផ្ដល់ក្នុងឱកាសបង្ហាញពីរបាយការណ៍ស្ដីពីការជួញដូរមនុស្សនៅ ក្នុងប្រទេសចំនួន ១៨៦ប្រទេសសម្រាប់ឆ្នាំ២០១២ នេះ។
ក្នុងពិធីនេះមានវីរជនចំនួន ១០នាក់ ដែលបានមកទទួលរង្វាន់។ ក្នុងចំណោមអ្នកទាំង ១០នាក់នោះ សុទ្ធតែជាមន្ត្រី ឬសកម្មជនដែលមានស្នាដៃក្នុងការងារប្រឆាំងនឹងការជួញដូរមនុស្ស មានតែលោក ព្រហ្ម វណ្ណៈ ម្នាក់ប៉ុណ្ណោះ ជាជនរងគ្រោះមកពីប្រទេសកម្ពុជា ព្រោះលោកមានស្នាដៃក្នុងការគូរគំនូររៀបរាប់ពីបទពិសោធន៍ដ៏ជូរចត់ របស់លោកនៅលើទូកនេសាទថៃ រយៈពេលជាងបីឆ្នាំ។
ថ្លែងប្រាប់អ្នកយកព័ត៌មានវិទ្យុអាស៊ីសេរី លោក ព្រហ្ម វណ្ណៈ បានអំពាវនាវផ្ដាំផ្ញើដល់បងបងប្អូនខ្មែរឲ្យមានការប្រុងប្រយ័ត្ន កុំចាញ់បោកគេ៖ «មុនទៅត្រូវគិតពិចារណាឲ្យបានដិតដល់ កុំឲ្យដូចខ្ញុំ។ ដោយសារគិតខ្លីហ្នឹងហើយបានខ្ញុំធ្លាក់ក្នុងការជួញដូរដ៏លំបាក បំផុតនៅលើទូកនេសាទអស់រយៈពេលជាង ៣ឆ្នាំ...»។
លោក ព្រហ្ម វណ្ណៈ អោយដឹងថា លោកនឹងបន្តចូលរួមប្រឆាំង និងលុបបំបាត់អំពើជួញដូរមនុស្សតាមរយៈថ្វីដៃគូរគំនូររបស់លោក តាមតម្រូវការរបស់អង្គការ និងស្ថាប័ននានា៕
ស្ដាប់ បទសម្ភាសន៍បន្ថែម
ទស្សនា វីដេអូដែលទាក់ទង
No comments:
Post a Comment