(ថ្ងៃទី 6 មិថុនា 2012, ម៉ោង 04:57:PM) | ដោយ: រតនា
អ្នកភូមិបឹងកក់ និងកូនអ្នកជាប់ពន្ធនាគារ បួងសួងអ្នកតាម្ចាស់ទឹកដី ឲ្យជួយដោះលែងឪពុកម្តាយ ទាំង ១៥ នាក់
1 of 6 
ភ្នំពេញ: អ្នកភូមិបឹងកក់ និងកុមារ ដែលជាកូនអ្នកភូមិបឹងកក់ប្រមាណ ៦០ នាក់ បានជួបជុំគ្នា នៅព្រឹកថ្ងៃទី៦ ខែមិថុនា ឆ្នាំ២០១២ ធ្វើពិធីបួងសួងសុំឲ្យបារមីម្ចាស់ទឹកម្ចាស់ដី នៅបឹងកក់ គឺលោកយាយម៉ៅ លោកតាប្រាក់ ជួយបន្ទន់ចិត្តមន្ត្រីរដ្ឋាភិបាល និងមន្ត្រីតុលាការក្រុងភ្នំពេញ ឲ្យដោះលែងឪពុកម្តាយរបស់ពួកគេចំនួន ១៥ នាក់ ចេញពន្ធនាគារវិញ។ ពីធីបួងសួងនោះ បានធ្វើឡើងតាមលក្ខណៈប្រពៃណី និងជំនឿរបស់ពលរដ្ឋខ្មែរ។
លោក ដួង គា អ្នកភូមិបឹងកក់ បាននិយាយនៅក្នុងពិធីបន់ស្រន់ថា សម្តេចបានប្រគល់ដីឲ្យអ្នកភូមិ បឹងកក់ចំនួនទំហំ ១២,៤៤ ហិចតានេះ។ អីចឹងពួកខ្ញុំទាំងអស់គ្នា សូមបួងសួងឲ្យលោកយាយម៉ៅ លោកតាប្រាក់ម្ចាស់ទឹកដី នៅបឹងកក់នេះ ជួយធ្វើជាសាក្សី និងដោះលែងបងប្អូន យើងខ្ញុំទាំង ១៥ នាក់ ដែលបានជាប់ឃុំដោយអយុត្តិធម៌បំផុត ពីមន្ត្រីសាលាក្រុងភ្នំពេញ និងក្រុមហ៊ុនស៊ូកាកូអ៊ីន បានប្តឹងទៅតុលាការ បានចាត់ការជាបន្ទាន់ រយៈពេល ២ ឬ ៣ ម៉ោង ចាប់បងប្អូនខ្ញុំ១៥ នាក់ ដាក់គុកដោយអយុត្តិធម៌បំផុត និងបំពានលើសិទ្ធិមនុស្សទាំងស្រុង អីចឹងខ្ញុំ សុំប្តឹង និងសុំដាក់ទំនាយ ដល់ក្រុមហ៊ុនអាជ្ញាធរក្រុង ដែលបំពារបំពាន និងប្លន់យកដីរបស់យើងខ្ញុំ។ យើងសុំដាក់ទំនាយឲ្យអ្នកឯងទាំងអស់គ្នាហ្នឹង មានជម្ងឺឈឺផ្កាត់ជារៀងរហូត មិនមានថ្ងៃណាជាសះស្បើយទេ និងសុំដាក់ទំនាយផងដែរ"។
សូមបញ្ជាក់ថា កាលពីថ្ងៃទី៥ ខែមិថុនា ម្សិលមិញ ពួកគេបាននាំគ្នាទៅជុតជង្គង់ពីមុខព្រះបរមរាជវាំង ដើម្បីសុំព្រះរាជអន្តរាគមន៍ ពីព្រះមហាក្សត្រ និងគ្រោងដាក់ញត្តិថ្វាយព្រះរាជាផងដែរ។
ប៉ុន្តែក៏ដូចជាលើក មុនៗដែរ ពួកគេបានសម្ដែងការខក ពីព្រោះគ្មានអន្តរាគមន៍ណាមួយទេ។
ក្រុមអ្នកភូមិទាំងនោះ ធ្លាប់បានទៅសុំអន្តរាគមន៍ពីក្រសួងយុត្តិធម៌ និងស្ថាប័នជាតិជាច្រើនទៀត។ ចុងក្រោយនេះ ពួកគេសុំអន្តរាគមន៍ពីអ្នកតាម្ចាស់ទឹកម្ចាស់ដី ដើម្បីឲ្យជួយដោះលែងអ្នកភូមិ ១៥ នាក់ ដែលកំពុងជាប់ពន្ធនាគារ៕
លោក ដួង គា អ្នកភូមិបឹងកក់ បាននិយាយនៅក្នុងពិធីបន់ស្រន់ថា សម្តេចបានប្រគល់ដីឲ្យអ្នកភូមិ បឹងកក់ចំនួនទំហំ ១២,៤៤ ហិចតានេះ។ អីចឹងពួកខ្ញុំទាំងអស់គ្នា សូមបួងសួងឲ្យលោកយាយម៉ៅ លោកតាប្រាក់ម្ចាស់ទឹកដី នៅបឹងកក់នេះ ជួយធ្វើជាសាក្សី និងដោះលែងបងប្អូន យើងខ្ញុំទាំង ១៥ នាក់ ដែលបានជាប់ឃុំដោយអយុត្តិធម៌បំផុត ពីមន្ត្រីសាលាក្រុងភ្នំពេញ និងក្រុមហ៊ុនស៊ូកាកូអ៊ីន បានប្តឹងទៅតុលាការ បានចាត់ការជាបន្ទាន់ រយៈពេល ២ ឬ ៣ ម៉ោង ចាប់បងប្អូនខ្ញុំ១៥ នាក់ ដាក់គុកដោយអយុត្តិធម៌បំផុត និងបំពានលើសិទ្ធិមនុស្សទាំងស្រុង អីចឹងខ្ញុំ សុំប្តឹង និងសុំដាក់ទំនាយ ដល់ក្រុមហ៊ុនអាជ្ញាធរក្រុង ដែលបំពារបំពាន និងប្លន់យកដីរបស់យើងខ្ញុំ។ យើងសុំដាក់ទំនាយឲ្យអ្នកឯងទាំងអស់គ្នាហ្នឹង មានជម្ងឺឈឺផ្កាត់ជារៀងរហូត មិនមានថ្ងៃណាជាសះស្បើយទេ និងសុំដាក់ទំនាយផងដែរ"។
សូមបញ្ជាក់ថា កាលពីថ្ងៃទី៥ ខែមិថុនា ម្សិលមិញ ពួកគេបាននាំគ្នាទៅជុតជង្គង់ពីមុខព្រះបរមរាជវាំង ដើម្បីសុំព្រះរាជអន្តរាគមន៍ ពីព្រះមហាក្សត្រ និងគ្រោងដាក់ញត្តិថ្វាយព្រះរាជាផងដែរ។
ប៉ុន្តែក៏ដូចជាលើក មុនៗដែរ ពួកគេបានសម្ដែងការខក ពីព្រោះគ្មានអន្តរាគមន៍ណាមួយទេ។
ក្រុមអ្នកភូមិទាំងនោះ ធ្លាប់បានទៅសុំអន្តរាគមន៍ពីក្រសួងយុត្តិធម៌ និងស្ថាប័នជាតិជាច្រើនទៀត។ ចុងក្រោយនេះ ពួកគេសុំអន្តរាគមន៍ពីអ្នកតាម្ចាស់ទឹកម្ចាស់ដី ដើម្បីឲ្យជួយដោះលែងអ្នកភូមិ ១៥ នាក់ ដែលកំពុងជាប់ពន្ធនាគារ៕
អ្នកភូមិបឹងកក់ និងកូនអ្នកជាប់ពន្ធនាគារ បួងសួងអ្នកតាម្ចាស់ទឹកដី ឲ្យជួយដោះលែងឪពុកម្តាយ ទាំង ១៥ នាក់
No comments:
Post a Comment