ក្មេងយំអីយំទៅ! ស្រ្តីជាប់គុកច្រវ៉ាក់អីជាប់ទៅ! តាង៉ោលស្រេចតែ មិនខ្វល់ (M’en fous! ទទូភួយ!)
 |
| កុមារតូចៗនៅ បឹងកក់ បានប្រមូលផ្តុំគ្នា នៅមុខ ព្រះបរមរាជវាំងសុំអន្តរាគមន៍ ពីព្រះ មហាក្សត្រ ឲ្យជួយដោះលែង ឪពុកម្តាយ ១៥នាក់ ដែលជាប់គុក ដោយសារ តវ៉ារឿង ជម្លោះដី នៅបឹងកក់។ (RFI/Ly Meng Hour) អ្នកក្រដាំចេកទៅ បើតាង៉ោលវាមើលមុខ! |
 |
| គ្រួសារ តាង៉ោល ៖ ឆ្វេងតាង៉ោលកូន ស្តាំតាង៉ោលឪ Nous on s'en fout Messieurs, Dames, nous on |
 |
| បើពួកអាចោរ មីចោរទទួល វាឲ្យរហ័ស! |
ក្រុមកុមារបឹងកក់យំ ស្រែករកអន្តរាគមន៍ ពីព្រះ បរមរាជវាំងក្នុង រឿងជម្លោះដី នៅបឹងកក់
ថ្ងៃ អង្គារ 05 មិថុនា 2012
ដោយ លី ម៉េងហួរ
Radio France Internationale
នៅព្រឹកថ្ងៃទី៥មិថុនានេះ ក្រុមកុមារតូចៗនៅតំបន់បឹងកក់ បានប្រមូលផ្តុំលុតជង្គង់ស្រែក ទ្រហោយំនៅមុខព្រះបរមរាជវាំងសុំអន្តរាគមន៍ពី ព្រះមហាក្សត្រឲ្យជួយដោះលែងឪពុកម្តាយ ដែលជាប់ពន្ធនាគារចំនួន១៥នាក់ដោយសារតែការតវ៉ារឿង ជម្លោះដីនៅបឹងកក់។
ក៏ប៉ុន្តែមន្ត្រី ព្រះបរមរាជវាំងមិន បានចេញមកទទួលយកញត្តិថ្វាយព្រះមហាក្សត្រដែលធ្វើ ឡើងដោយ ក្រុមអ្នកភូមិនិងកុមាររស់នៅបឹងកក់ឡើយ។
សម្រែកទ្រហ៊ោយំលាន់ឮកងរំពងនៅមុខព្រះបរមរាជវាំងនាព្រឹក ថ្ងៃអង្គារនេះ។ ប្រជាពលរដ្ឋ និងកុមារតូចៗ រស់នៅបឹងកក់ បានទទូចអង្វរសុំឲ្យព្រះមហាក្សត្រ មេត្តាប្រោសព្រះរាជទានអន្តរាគមន៍ ទៅក្រសួងយុត្តិធម៌ ដើម្បីជួយដោះលែងអ្នកភូមិបឹងកក់ចំនួន ១៥ នាក់ ដែលត្រូវបានចាប់ខ្លួន និងដាក់ពន្ធនាគារទាំងអយុត្តិធម៌ ដោយសារតែការតវ៉ារឿងដីនៅបឹងកក់។
អ្នកភូមិបឹងកក់ ជាម្តាយ និងឪពុករបស់កុមារតូចៗ កាលពីថ្ងៃ២៤ឧសភា ត្រូវបានតុលាការកាត់ទោស ដាក់ពន្ធនាគារពីមួយឆ្នាំ ដល់ ២ ឆ្នាំកន្លះ ក្នុងរឿងជម្លោះដីនៅបឹងកក់។
មុននឹងសំពះអង្វរ លុតជង្គង់សុំព្រះរាជអន្តរាគមន៍ពីព្រះមហាក្សត្រឲ្យមានការដោះលែងពលរដ្ឋ បឹងកក់ ក្រុមប្រជាពលរដ្ឋបឹងកក់ និងសហគមន៍ដទៃទៀត ភាគច្រើនជាកុមារតូចៗ ប្រមាណ ១០០ នាក់ បានដើរហែក្បួនចេញពីរដ្ឋសភាទៅមុខព្រះបរមរាជវាំង។
ទីបំផុតទៅ ទោះបីជាកុមារតូចៗ បានលុតជង្គង់ស្រែកទ្រហោយំ ឲ្យដោះលែងឪពុកម្ដាយពួកគេនិងដាក់ញត្តិថ្វាយព្រះមហាក្សត្រ យ៉ាងណាក្តី តែញត្តិនោះ មិនត្រូវបានមន្ត្រីព្រះបរមរាជវាំង ទទួលយកទេ។
ក្នុងរយៈពេល ២ សប្តាហ៍នេះ កុមារតូចៗ នៅបឹងកក់ បានប្រមូលផ្តុំស្វែងរកអន្តរាគមន៍គ្រប់ទីកន្លែង ដើម្បីឲ្យតុលាការ ដោះលែងម្តាយឪពុកពួកគេ ចេញពីពន្ធនាគារ។ កុមារទាំងនោះ ទទួលរងនូវការប៉ះពាល់បញ្ហាផ្លូវចិត្ត ហើយនឹងនៅតែបន្តអូសបន្លាយ និងទន្ទឹងរង់ចាំឪពុកម្តាយចេញពីពន្ធនាគារដោយអន្ទះសារ៕
No comments:
Post a Comment