បីសប្តាហ៍មុនការបោះឆ្នោតក្រុមប្រឹក្សាឃុំសង្កាត់ចូលមកដល់ មន្ត្រីគណៈកម្មាធិការជាតិរៀបចំការបោះឆ្នោត ( គ.ជ.ប) បានថ្លែងនៅថ្ងៃនេះថា គ.ជ.ប កំពុងធ្វើការតាមច្បាប់ និងនីតិវិធីរបស់ខ្លួនដើម្បីឲ្យដំណើរការបោះឆ្នោតជ្រើសរើសអ្នកដឹកនាំ ថ្នាក់មូលដ្ឋាននៅថ្ងៃទី៣មិថុនាខាងមុខនេះប្រព្រឹត្តទៅបានល្អ។ ការអះអាង បែបនេះគឺជាការឆ្លើយតបទៅនឹងការអំពាវនាវរបស់លោក សុរិយា ស៊ូបេឌី អ្នករាយការណ៍ពិសេសអង្គការសហប្រជាជាតិទទួលបន្ទុកសិទ្ធិមនុស្សនៅ កម្ពុជា។
មុនពេលបញ្ចប់ដំណើរទស្សនកិច្ចរបស់ខ្លួននៅកម្ពុជានាចុងសប្តាហ៍នេះ លោក សុរិយា ស៊ូបេឌី អ្នករាយការណ៍ពិសេសរបស់សហប្រជាជាតិស្តីពីស្ថានការណ៍សិទ្ធិមនុស្សនៅ កម្ពុជា បានឆ្លៀតអំពាវនាវឲ្យគ្រប់ភាគីទាំងអស់ និងគណៈកម្មាធិការជាតិរៀបចំការបោះឆ្នោតធ្វើយ៉ាងណាធានាឲ្យបាននូវ ការបោះឆ្នោតដោយសេរី យុត្តិធម៌ និងប្រកបដោយសន្តិភាព។
ក្នុងដំណើរទស្សនកិច្ចលើកទី៦មកកម្ពុជាកាលពីឆ្នាំ២០១១កន្លងទៅ លោកស៊ូបេឌីបានផ្តោតបេសកកម្មរបស់ខ្លួនទៅលើការបោះឆ្នោត។ នេះជាហេតុផលដែលលោកត្រូវរម្លឹកអំពីបញ្ហាបោះឆ្នោតឡើងវិញខណៈដែល កម្ពុជាកំពុងរៀបចំដំណើរការបោះឆ្នោតជ្រើសរើសក្រុមប្រឹក្សាឃុំសង្កាត់ នៅថ្ងៃទី៣មិថុនាខាងមុខនេះ។ ឆ្លើយតបនឹងការអំពាវនាវនេះ លោក ទេព នីថា អគ្គលេខាធិការនៃគណៈកម្មាធិការជាតិរៀបចំការបោះឆ្នោត បានអះអាងនៅថ្ងៃនេះថា កម្ពុជាកំពុងតែខិតខំធ្វើការងារតាមច្បាប់ និងនីតិវិធីរបស់ខ្លួនទៅតាមស្ថានការណ៍ជាក់ស្តែងរបស់កម្ពុជា។ លោកសង្ឃឹមថា ការបោះឆ្នោតខាងមុខនេះ នឹងមានលទ្ធផលល្អប្រសើរ។
កម្ពុជាកំពុងត្រៀមរៀបចំការបោះឆ្នោតជ្រើសរើសក្រុមប្រឹក្សាឃុំ សង្កាត់ ដែលនឹងឈានមកដល់នៅថ្ងៃទី៣មិថុនាខាងមុខនេះ។ មានគណបក្សនយោបាយចំនួន១០ដែលបានចុះឈ្មោះប្រកួតប្រជែងយកតំណែងក្នុង ក្រុមប្រឹក្សាឃុំសង្កាត់ចំនួន ១៦៣៣ ទូទាំងប្រទេស។ ការបោះឆ្នោតនេះត្រូវគេគ្រោងចំណាយប្រាក់ចំនួន ១៩,៥ លានដុល្លារ ក្នុងនោះ រដ្ឋាភិបាលទទួលបន្ទុក៧៦% និង២៤%ទៀតត្រូវស្វែងរកពីដៃគូផ្តល់ជំនួយ។
ដើម្បីសម្រួលដល់អ្នកបោះឆ្នោត កម្មករ និយោជិតទាំងអស់នៅទូទាំងប្រទេសត្រូវបានក្រសួងការងារអនុញ្ញាតឲ្យឈប់ សម្រាករយៈពេលពី១ថ្ងៃទៅ៣ថ្ងៃទៅតាមចម្ងាយផ្លូវដែលពួកគេត្រូវធ្វើ ដំណើរទៅបោះឆ្នោតនៅឯស្រុកកំណើត។ ក្រសួងការងារក៏បានអំពាវនាវឲ្យម្ចាស់រោងចក្រ សហគ្រាសទាំងអស់បង្កលក្ខណៈងាយស្រួលឲ្យកម្មករ និយោជិតរបស់ខ្លួនបានឈប់សម្រាកតាមសេចក្តីសម្រេចនេះ ដោយរក្សាប្រាក់ខែ និងប្រាក់រង្វាន់ផ្សេងៗទៀតឲ្យនៅដដែល។
សូមបញ្ជាក់ថា ការបោះឆ្នោតជ្រើសរើសក្រុមប្រឹក្សាឃុំសង្កាត់នឹងប្រព្រឹត្តទៅនៅ ថ្ងៃទី៣មិថុនាខាងមុខនេះ។ នេះជាការបោះឆ្នោតសំខាន់ទី២បន្ទាប់ពីការបោះឆ្នោតជ្រើសរើសតំណាងរាស្ត្រ ដែលត្រូវធ្វើឡើង៥ឆ្នាំម្តងដូចគ្នា។ មានគណបក្សនយោបាយចំនួន១០ដែលត្រូវប្រកួតប្រជែងយកតំណែងដឹកនាំ ថ្នាក់មូលដ្ឋានក្នុងឃុំសង្កាត់ចំនួន១៦៣៣នៅទូទាំងប្រទេស៕
ក្នុងដំណើរទស្សនកិច្ចលើកទី៦មកកម្ពុជាកាលពីឆ្នាំ២០១១កន្លងទៅ លោកស៊ូបេឌីបានផ្តោតបេសកកម្មរបស់ខ្លួនទៅលើការបោះឆ្នោត។ នេះជាហេតុផលដែលលោកត្រូវរម្លឹកអំពីបញ្ហាបោះឆ្នោតឡើងវិញខណៈដែល កម្ពុជាកំពុងរៀបចំដំណើរការបោះឆ្នោតជ្រើសរើសក្រុមប្រឹក្សាឃុំសង្កាត់ នៅថ្ងៃទី៣មិថុនាខាងមុខនេះ។ ឆ្លើយតបនឹងការអំពាវនាវនេះ លោក ទេព នីថា អគ្គលេខាធិការនៃគណៈកម្មាធិការជាតិរៀបចំការបោះឆ្នោត បានអះអាងនៅថ្ងៃនេះថា កម្ពុជាកំពុងតែខិតខំធ្វើការងារតាមច្បាប់ និងនីតិវិធីរបស់ខ្លួនទៅតាមស្ថានការណ៍ជាក់ស្តែងរបស់កម្ពុជា។ លោកសង្ឃឹមថា ការបោះឆ្នោតខាងមុខនេះ នឹងមានលទ្ធផលល្អប្រសើរ។
កម្ពុជាកំពុងត្រៀមរៀបចំការបោះឆ្នោតជ្រើសរើសក្រុមប្រឹក្សាឃុំ សង្កាត់ ដែលនឹងឈានមកដល់នៅថ្ងៃទី៣មិថុនាខាងមុខនេះ។ មានគណបក្សនយោបាយចំនួន១០ដែលបានចុះឈ្មោះប្រកួតប្រជែងយកតំណែងក្នុង ក្រុមប្រឹក្សាឃុំសង្កាត់ចំនួន ១៦៣៣ ទូទាំងប្រទេស។ ការបោះឆ្នោតនេះត្រូវគេគ្រោងចំណាយប្រាក់ចំនួន ១៩,៥ លានដុល្លារ ក្នុងនោះ រដ្ឋាភិបាលទទួលបន្ទុក៧៦% និង២៤%ទៀតត្រូវស្វែងរកពីដៃគូផ្តល់ជំនួយ។
ដើម្បីសម្រួលដល់អ្នកបោះឆ្នោត កម្មករ និយោជិតទាំងអស់នៅទូទាំងប្រទេសត្រូវបានក្រសួងការងារអនុញ្ញាតឲ្យឈប់ សម្រាករយៈពេលពី១ថ្ងៃទៅ៣ថ្ងៃទៅតាមចម្ងាយផ្លូវដែលពួកគេត្រូវធ្វើ ដំណើរទៅបោះឆ្នោតនៅឯស្រុកកំណើត។ ក្រសួងការងារក៏បានអំពាវនាវឲ្យម្ចាស់រោងចក្រ សហគ្រាសទាំងអស់បង្កលក្ខណៈងាយស្រួលឲ្យកម្មករ និយោជិតរបស់ខ្លួនបានឈប់សម្រាកតាមសេចក្តីសម្រេចនេះ ដោយរក្សាប្រាក់ខែ និងប្រាក់រង្វាន់ផ្សេងៗទៀតឲ្យនៅដដែល។
សូមបញ្ជាក់ថា ការបោះឆ្នោតជ្រើសរើសក្រុមប្រឹក្សាឃុំសង្កាត់នឹងប្រព្រឹត្តទៅនៅ ថ្ងៃទី៣មិថុនាខាងមុខនេះ។ នេះជាការបោះឆ្នោតសំខាន់ទី២បន្ទាប់ពីការបោះឆ្នោតជ្រើសរើសតំណាងរាស្ត្រ ដែលត្រូវធ្វើឡើង៥ឆ្នាំម្តងដូចគ្នា។ មានគណបក្សនយោបាយចំនួន១០ដែលត្រូវប្រកួតប្រជែងយកតំណែងដឹកនាំ ថ្នាក់មូលដ្ឋានក្នុងឃុំសង្កាត់ចំនួន១៦៣៣នៅទូទាំងប្រទេស៕
No comments:
Post a Comment