ក្នុងរយៈពេលប៉ុន្មានឆ្នាំចុងក្រោយនេះ គេសង្កេតឃើញថា យុវជនយុវនារីទាំងនៅវ័យក្មេងនាំគ្នាសេពគ្រឿងស្រវឹងនិងមានសេ្នហា។ តើនេះបណ្តាលមកពីមូលហេតុអ្វី? ហើយថា តើបញ្ហានេះមានឥទ្ធិពលអាក្រក់លើសង្គមឬទេ ?
ចរន្តសកលភាវូបនីយកម្មកំពុងធ្វើដំណើរទៅមុខ វប្បធម៌នៃប្រទេសនីមួយៗកំពុងមានឥទ្ធិពលទៅលើគ្នាទៅវិញទៅមក ផ្នត់គំនិតរបស់មនុស្សជំនាន់ថ្មីមានការផ្លាស់ប្តូរ របៀបរស់នៅរបស់យុវជនសម័យថ្មីមានការវិវត្តន៍។ ទាំងអស់នេះគឺជានិន្នាការពិភពលោក ហើយប្រទេសកម្ពុជាក៏ស្ថិតនៅក្នុងបរិបទនេះដែរ។ ប្រទេសកម្ពុជាមានចំនួនប្រជាជនសរុបប្រមាណជា១៤លាននាក់ក្នុងនោះ យុវវ័យដែលមានអាយុពី១៥ដល់៣០ឆ្នាំមានចំនួន៣០%នៃចំនួន ប្រជាពលរដ្ឋសរុប។ ប្រសិនបើគេពិនិត្យលើពីរ៉ាមីតប្រជាសាស្រ្តនៃប្រទេសកម្ពុជា គេសង្កេតឃើញថា យុវជនមានចំនួនច្រើនជាងមនុស្សវ័យចំណាស់។
ជាលក្ខណៈសេដ្ឋកិច្ច នៅពេលដែលប្រទេសមួយមានកម្លាំងពលកម្មវ័យក្មេងច្រើន ពេលនោះ អ្នកវិនិយោគិននឹងចាប់អារម្មណ៍មកលើទីផ្សារនៃប្រទេសនោះ។ ប៉ុន្តែផ្ទុយទៅវិញ អ្នកវិភាគសង្គមសេដ្ឋកិច្ចនៅក្នុងប្រទេសកម្ពុជាបាននឹងកំពុង ព្រួយបារម្ភពីអនាគតរបស់យុវជនទាំងអស់នោះទៅវិញ។ ព្រួយបារម្ភពីព្រោះថា យុវជនមួយចំនួនធំមិនបានបំពេញកាត្វកិច្ចខ្លួនជាពលរដ្ឋល្អដើម្បី បន្តវេនមនុស្សជំនាន់មុនទេ។
ជាការកត់សម្គាល់ យុវជនសម័យថ្មីចាប់ផ្តើមមានស្នេហានិងចាប់ផ្តើមសេពគ្រឿងស្រវឹង ទាំងនៅវ័យក្មេង។ តើនេះបណ្តាលមកពីមូលហេតុអ្វី? ហើយថា តើបញ្ហានេះមានឥទ្ធិពលអាក្រក់ដល់សង្គមឬទេ?
ទាក់ទងទៅនឹងការសេពគ្រឿងស្រវឹង។ យុវជនអាយុក្រោម២០ឆ្នាំនាំគ្នាផឹកស្រាស ផឹកស្រាបៀរនិងផឹកគ្រឿងស្រវឹងផ្សេងៗកាន់តែច្រើនឡើងៗពីមួយឆ្នាំ ទៅមួយឆ្នាំ។ មូលហេតុមានច្រើនប៉ុន្តែបញ្ហាចម្បងៗមានប្រាំ។ ទីមួយ៖គឺដោយសារវត្តមានគ្រឿងស្រវឹងកាន់តែច្រើននៅលើទីផ្សារនៃ ប្រទេសកម្ពុជា។ ទីពីរ៖មានការផ្សព្វផ្សាយពាណិជ្ជកម្មច្រើនដែលមានលក្ខណៈញុះញង់ចង់ អោយពិសារគ្រឿងស្រវឹង។ ទីបី៖វត្តមានក្លឹបកំសាន្តបើកកាន់តែច្រើន។ ទី៤៖បញ្ហាបែកបាក់ស្នេហានិងទី៥គឺបណ្តាលមកពីបញ្ហាគ្រួសារ។ ឧទាហរណ៍ជាក់ស្តែងមួយចំនួនបានបង្ហាញថា នៅពេលដែលគ្រួសារលែងលះគ្នាឬឧស្សាហ៍ឈ្លោះគ្នាឬប្រើប្រាស់ អំពើហិង្សារ ពេលនោះ យុវជនឬយុវនារីដែលជាកូន ខូចទឹកចិត្តនាំមិត្តភក្តិទៅកាត់សាញតាមរយៈការប្រើប្រាស់គ្រឿង ស្រវឹង។
ងាកមកនិយាយពីយុវជនដែលមានស្នេហានៅវ័យក្មេងវិញ មូលហេតុមានច្រើនក្នុងនោះមាន ៖ ទីមួយ៖ការហូរចូលនូវវីដេអូអាសអាភាស។ ទីពីរ៖បញ្ហាគ្រួសារ។ ប្តីលែងប្រពន្ធ ប្រពន្ធលែងប្តីជាដើម។ ទីបី៖បញ្ហាសម្ភារៈនិយម។ យុវនារីខ្លះ ដើម្បីតែប្រាក់ សុខចិត្តប្រគល់ខ្លួនប្រាណដោយមិនស្តាយស្រណោះ។ ស្រ្តីខ្លះទៀត ដោយឃើញមិត្តភក្តិមានសម្ភារៈប្រើប្រាស់ល្អៗដូចជាទូរស័ព្ទ I phone ម៉ូតូល្អៗ ពួកគេបង្ខំចិត្តប្រគល់ខ្លួនប្រាណជាមួយគូរស្នេហ៍ជាថ្នូរនឹង សម្ភារៈទាំងនោះ។ ចំណុចទី៤គឺដោយសារភាពក្រីក្រ។ ភាពក្រីក្រជំរុញអោយមនុស្សមួយចំនួនលែងគិតពីកេរ្តិ៍ខ្មាស់ឬសីលធម៌ ទៀតហើយនិងចំណុចទី៥គឺដោយសារនិន្នាការសង្គមទូទៅ មានន័យថា ទង្វើមានស្នេហាគឺជារឿងទាន់សម័យ។ នារីខ្លះដែលមិនមានគូរស្នេហ៍បែជាខ្មាស់គេទៅវិញពីព្រោះគេគិតថា ប្រហែលជាខ្លួនគេមិនសូវស្អាតទើបគេគ្មានសង្សារ។ ទាក់ទងទៅនឹងរឿងស្នេហានេះ យុវជនមួយចំនួនបានបញ្ជាក់ប្រាប់ត្រង់ៗថា ទាំងយុវនារី ទាំងយុវជនប្រមាណ៥០%ស្រលាញ់គ្នាហើយរួមភេទជាមួយគ្នាទាំងនៅវ័យ ក្មេង។
ការសេពគ្រឿងស្រវឹងនិងទង្វើមានស្នេហាគឺជាសិទ្ធិរបស់បុគ្គល ម្នាក់ៗ។ ប៉ុន្តែក្រសួងពាក់ព័ន្ធគួរចាប់ផ្តើមពិចារណាថា តើគេគួរមានច្បាប់ហាមឃាត់យុវជនអាយុក្រោម១៨ឆ្នាំមិនអោយសេពគ្រឿង ស្រវឹងឬទេ? តើយុវវ័យអាយុក្រោម១៨ឆ្នាំគួរអនុញ្ញតអោយចូលផ្ទះសំណាក់ឬទេ?
ក្រុមសង្កេតការណ៍ដំណើរការសង្គមក្នុងរយៈពេល៣០ឆ្នាំកន្លងមកនេះបាន អត្ថាធិប្បាយថា ប្រសិនបើរដ្ឋាភិបាលមើលរំលងបញ្ហានេះ នាពេលអនាគត រដ្ឋាភិបាលនឹងខ្វះធនធានមនុស្សជំនាន់ថ្មីសម្រាប់ស្នងធនធានមនុស្ស ជំនាន់មុន។ យុវវ័យសម័យថ្មីមួយចំនួនគិតតែពីសប្បាយ។ សប្បាយដោយមិនគិតពីអនាគតខ្លួនឯងនិងអនាគតរបស់ប្រទេសជាតិ៕
ជាលក្ខណៈសេដ្ឋកិច្ច នៅពេលដែលប្រទេសមួយមានកម្លាំងពលកម្មវ័យក្មេងច្រើន ពេលនោះ អ្នកវិនិយោគិននឹងចាប់អារម្មណ៍មកលើទីផ្សារនៃប្រទេសនោះ។ ប៉ុន្តែផ្ទុយទៅវិញ អ្នកវិភាគសង្គមសេដ្ឋកិច្ចនៅក្នុងប្រទេសកម្ពុជាបាននឹងកំពុង ព្រួយបារម្ភពីអនាគតរបស់យុវជនទាំងអស់នោះទៅវិញ។ ព្រួយបារម្ភពីព្រោះថា យុវជនមួយចំនួនធំមិនបានបំពេញកាត្វកិច្ចខ្លួនជាពលរដ្ឋល្អដើម្បី បន្តវេនមនុស្សជំនាន់មុនទេ។
ជាការកត់សម្គាល់ យុវជនសម័យថ្មីចាប់ផ្តើមមានស្នេហានិងចាប់ផ្តើមសេពគ្រឿងស្រវឹង ទាំងនៅវ័យក្មេង។ តើនេះបណ្តាលមកពីមូលហេតុអ្វី? ហើយថា តើបញ្ហានេះមានឥទ្ធិពលអាក្រក់ដល់សង្គមឬទេ?
ទាក់ទងទៅនឹងការសេពគ្រឿងស្រវឹង។ យុវជនអាយុក្រោម២០ឆ្នាំនាំគ្នាផឹកស្រាស ផឹកស្រាបៀរនិងផឹកគ្រឿងស្រវឹងផ្សេងៗកាន់តែច្រើនឡើងៗពីមួយឆ្នាំ ទៅមួយឆ្នាំ។ មូលហេតុមានច្រើនប៉ុន្តែបញ្ហាចម្បងៗមានប្រាំ។ ទីមួយ៖គឺដោយសារវត្តមានគ្រឿងស្រវឹងកាន់តែច្រើននៅលើទីផ្សារនៃ ប្រទេសកម្ពុជា។ ទីពីរ៖មានការផ្សព្វផ្សាយពាណិជ្ជកម្មច្រើនដែលមានលក្ខណៈញុះញង់ចង់ អោយពិសារគ្រឿងស្រវឹង។ ទីបី៖វត្តមានក្លឹបកំសាន្តបើកកាន់តែច្រើន។ ទី៤៖បញ្ហាបែកបាក់ស្នេហានិងទី៥គឺបណ្តាលមកពីបញ្ហាគ្រួសារ។ ឧទាហរណ៍ជាក់ស្តែងមួយចំនួនបានបង្ហាញថា នៅពេលដែលគ្រួសារលែងលះគ្នាឬឧស្សាហ៍ឈ្លោះគ្នាឬប្រើប្រាស់ អំពើហិង្សារ ពេលនោះ យុវជនឬយុវនារីដែលជាកូន ខូចទឹកចិត្តនាំមិត្តភក្តិទៅកាត់សាញតាមរយៈការប្រើប្រាស់គ្រឿង ស្រវឹង។
ងាកមកនិយាយពីយុវជនដែលមានស្នេហានៅវ័យក្មេងវិញ មូលហេតុមានច្រើនក្នុងនោះមាន ៖ ទីមួយ៖ការហូរចូលនូវវីដេអូអាសអាភាស។ ទីពីរ៖បញ្ហាគ្រួសារ។ ប្តីលែងប្រពន្ធ ប្រពន្ធលែងប្តីជាដើម។ ទីបី៖បញ្ហាសម្ភារៈនិយម។ យុវនារីខ្លះ ដើម្បីតែប្រាក់ សុខចិត្តប្រគល់ខ្លួនប្រាណដោយមិនស្តាយស្រណោះ។ ស្រ្តីខ្លះទៀត ដោយឃើញមិត្តភក្តិមានសម្ភារៈប្រើប្រាស់ល្អៗដូចជាទូរស័ព្ទ I phone ម៉ូតូល្អៗ ពួកគេបង្ខំចិត្តប្រគល់ខ្លួនប្រាណជាមួយគូរស្នេហ៍ជាថ្នូរនឹង សម្ភារៈទាំងនោះ។ ចំណុចទី៤គឺដោយសារភាពក្រីក្រ។ ភាពក្រីក្រជំរុញអោយមនុស្សមួយចំនួនលែងគិតពីកេរ្តិ៍ខ្មាស់ឬសីលធម៌ ទៀតហើយនិងចំណុចទី៥គឺដោយសារនិន្នាការសង្គមទូទៅ មានន័យថា ទង្វើមានស្នេហាគឺជារឿងទាន់សម័យ។ នារីខ្លះដែលមិនមានគូរស្នេហ៍បែជាខ្មាស់គេទៅវិញពីព្រោះគេគិតថា ប្រហែលជាខ្លួនគេមិនសូវស្អាតទើបគេគ្មានសង្សារ។ ទាក់ទងទៅនឹងរឿងស្នេហានេះ យុវជនមួយចំនួនបានបញ្ជាក់ប្រាប់ត្រង់ៗថា ទាំងយុវនារី ទាំងយុវជនប្រមាណ៥០%ស្រលាញ់គ្នាហើយរួមភេទជាមួយគ្នាទាំងនៅវ័យ ក្មេង។
ការសេពគ្រឿងស្រវឹងនិងទង្វើមានស្នេហាគឺជាសិទ្ធិរបស់បុគ្គល ម្នាក់ៗ។ ប៉ុន្តែក្រសួងពាក់ព័ន្ធគួរចាប់ផ្តើមពិចារណាថា តើគេគួរមានច្បាប់ហាមឃាត់យុវជនអាយុក្រោម១៨ឆ្នាំមិនអោយសេពគ្រឿង ស្រវឹងឬទេ? តើយុវវ័យអាយុក្រោម១៨ឆ្នាំគួរអនុញ្ញតអោយចូលផ្ទះសំណាក់ឬទេ?
ក្រុមសង្កេតការណ៍ដំណើរការសង្គមក្នុងរយៈពេល៣០ឆ្នាំកន្លងមកនេះបាន អត្ថាធិប្បាយថា ប្រសិនបើរដ្ឋាភិបាលមើលរំលងបញ្ហានេះ នាពេលអនាគត រដ្ឋាភិបាលនឹងខ្វះធនធានមនុស្សជំនាន់ថ្មីសម្រាប់ស្នងធនធានមនុស្ស ជំនាន់មុន។ យុវវ័យសម័យថ្មីមួយចំនួនគិតតែពីសប្បាយ។ សប្បាយដោយមិនគិតពីអនាគតខ្លួនឯងនិងអនាគតរបស់ប្រទេសជាតិ៕
No comments:
Post a Comment