ដោយ ញឹមសុខន និង អ៊ឹង ប៊ុនថន ថ្ងៃអង្គារ ទី04 កញ្ញា ឆ្នាំ2012 ម៉ោង09:56
ស្ត្រីជាសកម្មជនដីធ្លីម្នាក់នៅតំបន់បឹងកក់ រួមទាំងស្វាមីផងត្រូវបានកម្លាំងសមត្ថកិច្ចរា ជធានីភ្នំពេញចាប់ខ្លួននៅថ្ងៃអង្គារនេះ ខណៈពួកគេធ្វើដំណើរទៅពិនិត្យបញ្ជីឈ្មោះបោះឆ្នោត ។ក្រុមអ្នកភូមិបឹងកក់ ដែលប្រមូលផ្តុំគ្នានៅមុខសាលាខណ្ឌដូនពេញ ដើម្បីស្វែងរកការពិតនៃការចាប់ខ្លួនតំណាងពួកគេនោះ បានឲ្យដឹងថា អ្នកស្រី យ៉ង់ បុប្ផា ដែលធ្លាប់ចេញមុខតវ៉ាយ៉ាងសកម្មរឿងជម្លោះដីធ្លី និងស្វាមីគាត់ត្រូវបានកម្លាំងសមត្ថកិច្ចចាប់ខ្លួននៅ ថ្ងៃអង្គារទី៤ខែកញ្ញានេះ ដោយមិនដឹងមូលហេតុ។ ពួកគេថា ការចាប់ខ្លួននេះធ្វើឡើងខណៈអ្នកទាំងពីរកំពុងធ្វើដំណើរដោយ ម៉ូតូ ឆ្ពោះទៅកាន់សាលាខណ្ឌដូនពេញ ដើម្បីពិនិត្យបញ្ជីឈ្មោះបោះឆ្នោត ៖”
VOD មិនអាចសុំអត្ថាធិប្បាយជុំវិញការចាប់ខ្លួននេះ ពីស្នងការនគរបាលរាជធានីភ្នំពេញ លោក ទូច ណារ៉ុថ បានទេ ដោយលោកអះអាងថាកំពុងជាប់ប្រជុំ ។ ចំណែកប្រធានក្រុមអធិការកិច្ចរាជធានីភ្នំ ពេញ លោក ហុក ហួរលីម អះអាងថា មិនដឹងរឿងនេះ ។
មន្ត្រីស៊ើបអង្កេតជាន់ខ្ពស់របស់អង្គការលីកាដូ លោក អំ សំអាត មានប្រសាសន៍ថា ពិតជាមានចាប់ខ្លួនពលរដ្ឋមែន ប៉ុន្តែលោកមិនទាន់ដឹងមូលហេតុដែរ ៖”
អ្នកស្រី យ៉ង់ បុប្ផា ធ្លាប់ត្រូវកម្លាំងសមត្ថកិច្ចចាប់ឃុំខ្លួននៅស្នងការដ្ឋាន នគរបាលរាជធានី ភ្នំពេញ ចំនួនបីដងរួចមកហើយ ខណៈចេញមុខតវ៉ារឿងជម្លោះដីធ្លីនៅតំបន់បឹងកក់។បន្ទាប់ ពីការ ចាប់ខ្លួនគាត់មួយលើកទៀតនេះ មានអ្នកភូមិបឹងកក់ប្រមាណមួយរយនាក់ប្រមូលផ្តុំគ្នាតវ៉ា នៅមុខស្នងការនគរបាលរាជធានីភ្នំពេញ ដើម្បីទាមទារឲ្យដោះលែង ៕
No comments:
Post a Comment