ដោយ ញឹមសុខន និងស៊ុន ណារិន
ថ្ងៃពុធ ទី08 សីហា ឆ្នាំ2012 ម៉ោង12:19
សហគមន៍ដែលមានជម្លោះដីធ្លីចំនួនប្រាំនៅរាជធានីភ្នំពេញ
ជំរុញឲ្យអង្គការសង្គមស៊ីវិលមួយ ដែលពួកគេអះអាងថា
គាំទ្ររដ្ឋាភិបាលបង្ហាញទីតាំងជាក់លាក់
ដើម្បីងាយស្រួលសម្រាប់ពួកគេ ស្វែងរកអន្តរគមន៍
ជួយរកដំណោះស្រាយរឿងជម្លោះដីធ្លី ។ថ្លែងក្នុងសន្និសីទសារព័ត៌មាននៅក្រោយស្ថានទូតបារាំងប្រចាំ កម្ពុជាស្ថិតក្នុងតំបន់បឹងកក់ នៅថ្ងៃពុធទី៨ខែសីហានេះ ក្រុមសហគមន៍នៅបឹងកក់ បុរីកីឡា បឹងឈូក សហគមន៍៣៤៧ និងសហគមន៍ពោធិ៍ចិនតុង ដែលជាសហគមន៍រងផលប៉ះពាល់ផ្នែកដីធ្លីបានឲ្យអ្នកសារព័ត៌ដឹង ថា ពួកគេព្យាយាមទាក់ទងទៅអង្គការសហព័ន្ធសិទ្ធិមនុស្ស និងអភិវឌ្ឍន៍កម្ពុជាជាច្រើនថ្ងៃ ដើម្បីដាក់ញត្តិ សុំអន្តរាគមន៍ ជួយរកដំណោះស្រាយរឿងដីធ្លីរបស់ពួកគេដែលអូសបន្លាយច្រើ នឆ្នាំមកហើយ។
ពួកគេថា ការដែលពួកគេស្វែងរកអន្តរាគមន៍ពីអង្គការនោះ ដោយសារពួកគេមើលទូរទស្សន៍ឃើញលោក ចៅ វាសនា ជាប្រធានអង្គការមួយនេះ រិះគន់អង្គការសង្គមស៊ីវិលនៅក្នុងស្រុកថា ជាអ្នកញុះញង់ពលរដ្ឋឲ្យតវ៉ាដើម្បីប្រឆាំងអាជ្ញាធរ ទើបពួកគេចង់ស្វែងទីតាំងរបស់អង្គការមួយនេះ ដើម្បីស្វែងរកអន្តរាគមន៍រឿងដីធ្លីជូនពួកគាត់ ក្រែងមានប្រសិទ្ធភាពជាង ប៉ុន្តែពួកគេថា ប្រធានអង្គការមួយនោះបែរជាមិនប្រាប់ពីអាស័យ ដ្ឋានទៅវិញ៖"
ឆ្លើយតបនឹងការលើកឡើងនេះ ប្រធានអង្គការសហព័ន្ធសិទ្ធិមនុស្ស និងអភិវឌ្ឍន៍កម្ពុជាលោក ចៅ វាសនា មានប្រសាសន៍ថា ការប្រាប់អាស័យដ្ឋានរបស់អង្គការរបស់លោកទៅប្រជាពលរដ្ឋ គឺមិនចាំបាច់ ដោយលោកបញ្ជាក់ថា អង្គការលោកមិនផ្តោតលើជម្លោះដីធ្លីទេ ៖”
នាយកលេខាធិការដ្ឋាននៃក្រុមការងារពិសេសសិទ្ធិលំនៅឋានលោក សៀ ភារម្យ មានប្រសាសន៍ថា ក្នុងនាមអង្គការសង្គមស៊ីវិល គួរណាស់បង្ហាញទីតាំងជាក់លាក់របស់ខ្លួនឲ្យពលរដ្ឋដឹង ដើម្បី ងាយស្រួលពលរដ្ឋស្វែងរកប្រឹក្សាផ្នែកច្បាប់នានា ឬជំរុញឲ្យមានការគោរពសិទ្ធិមនុស្ស ។
គួរបញ្ជាក់ថា តំណាងពលរដ្ឋនៅតំបន់បឹងកក់ជាច្រើននាក់ត្រូវបានតុលាការចាប់ ដាក់ពន្ធនាគារ ដោយសារតវ៉ារឿងដីធ្លី អ្នកភូមិបុរីកីឡារាប់រយគ្រួសារត្រូវគេបញ្ជូនទាំងបង្ខំទៅរស់នៅ ជាយក្រុង ដោយមិនមានប្រព័ន្ធទឹកស្អាតប្រើប្រាស់ គ្មានផ្លូវគមនាគមន៍ និងជាងមួយរយគ្រួសារទៀតកំពុងរស់នៅគំនរសំរាម ជិតសហគមន៍ចាស់របស់ខ្លួន ហើយកំពុងតវ៉ាស្វែងរកដំណោះស្រាយ។
No comments:
Post a Comment