ដោយ ញឹម សុខន និងស៊ុន ណារិន
ថ្ងៃអង្គារ ទី17 កក្កដា ឆ្នាំ2012 ម៉ោង12:11
ពលរដ្ឋសហគមន៍៧៨
បឹងកក់ បុរីកីឡា និងសហគមន៍ផ្សេងទៀត ធ្វើពិធីរំលឹកខួប៣ឆ្នាំ (រូបថត)
ស្តាប់សម្លេង៖
មន្ត្រីស៊ើបអង្កេតជាន់ខ្ពស់នៅអង្គការលីកាដូ លោក អំ សំអាត មានប្រសាសន៍នៅកន្លែងបន់ស្រន់នោះថា ការធ្វើពិធីបន់ស្រន់បែបនេះ អាចជួយបំបាត់ការឈឺចាប់ខ្លះពីភាពអយុត្តិធម៌ ដែលពួកគាត់ជួបប្រទេះ និងក៏ជាការដាស់ស្មារតីដល់មន្ត្រីពាក់ព័ន្ធឲ្យងាកមក គិតគូរករណីនេះឡើងវិញ ៖ “យើងគិតថា អាការយករូបភាពអភិវឌ្ឍន៍នេះ គឺគ្រាន់តែជារូបភាពមួយ ដើម្បីបិទបាំងមុខហើយក្នុងការបណ្តេញប្រជាពលរដ្ឋចេញទេ អញ្ចឹងបានជាសំណូមពររបស់សង្គមស៊ីវិល គឺថាយើងសុំអោយមានការឈប់បណ្តេញចេញ ការឈប់ប្រើប្រាស់នូវអំពើហឹង្សាគ្រប់រូបភាព សុំអោយមានការដោះស្រាយ តាមគោលការណ៍នៃការអភិវឌ្ឍរបស់អន្តរជាតិ បានន័យថា ការអភិវឌ្ឍគឺភាគីទាំងអស់ត្រូវទទួលបានផលប្រយោជន៍ទាំងអស់ គ្នា”។
ជាមួយគ្នានោះដែរ អ្នកវិភាគសង្គម លោកបណ្ឌិត ឡៅ ម៉ុងហៃ ដែលបានឃ្លាំមើលព្រឹត្តិការណ៍ដែរនោះ មានប្រសាសន៍ថា បញ្ហាជម្លោះដីធ្លីជារឿងសំខាន់ដែលធ្វើឲ្យរដ្ឋាភិបាលអាចបាត់ បង់សំឡេងគាំទ្រ បើមិនមានវិធានការណ៍ជាក់លាក់ ដោយលោកលើកយកបទពិសោធន៍ក្នុងសម័យខ្មែរក្រហម ដែលផ្តើមបង្កើតកម្លាំងទ័ពនៅខេត្តបាត់ដំបង ចេញពីជម្លោះដីធ្លី ៖ “ជំនាន់សង្គមរាស្ត្រនិយមហ្នឹង ហ្នឹងដែលជាមូលហេតុមួយ ធ្វើអោយមានចលនាខ្មែរក្រហម បើអញ្ជើញទៅស្តាប់ នួន ជា និយាយនៅមុខតុលាការហ្នឹង គឺគាត់បាននិយាយម្តង គឺរឿងការជិះជាន់ពីនាយទន់ទៅលើប្រជាពលរដ្ឋទន់ខ្សោយ នៅបាត់ដំបូង នៅសំឡូត”។
បើតាមអតីតតំណាងសហគមន៍៧៨ បានឲ្យដឹងថា ពលរដ្ឋនៅសហគមន៍នេះ មាន ១៤៥គ្រួសារ ត្រូវបានបណ្តេញទាំងបង្ខំតាំងពីឆ្នាំ២០០៩ ហើយមួយចំនួនបានទទួលយកសំណងទាំងបង្ខំចិត្ត មួយចំនួនទៀតមិនទទួលយក ដោយបន្តដាក់ពាក្យប្តឹងទៅស្ថាប័នពាក់ព័ន្ធស្វែងរកយុត្តិ ធម៌ តាំងពីមុនការបណ្តេញចេញ ប៉ុន្តែមកដល់ពេលនេះ តំណាងសហគមន៍រូបនោះ អះអាងថា ពុំទាន់មានដំណោះស្រាយណាមួយជុំវិញបណ្តឹងពលរដ្ឋនោះទេ ក្រៅពីតុលាការកោះហៅពួកគេឲ្យដកពាក្យបណ្តឹងនោះវិញ ៕
No comments:
Post a Comment