(ថ្ងៃទី 12 កក្កដា 2012, ម៉ោង 09:44:PM) | ដោយ: សេសាន
បញ្ជូនជំទាវម្នាក់ និងស្វាមី ពាក់ព័ន្ធរឿងដីធ្លី ទៅតុលាការខេត្តស្ទឹងត្រែង
ខេត្តស្ទឹងត្រែង:
លោក ឱ បូរិន្ទ
មេបញ្ជាការកងរាជអាវុធហត្ថខេត្តស្ទឹងត្រែង បានបញ្ជាក់តាមទូរស័ព្ទ
កាលពីរសៀលថ្ងៃទី១២ ខែកក្កដា ឆ្នាំ២០១២ ថា ឈ្មោះ មាស សុខគន្ធ
និងប្តីឈ្មោះ គុជ ព្រីសុវណ្ណ
បានបញ្ជូនទៅកាន់តុលាការខេត្តស្ទឹងត្រែងហើយ
នៅល្ងាចថ្ងៃទី១២ខែកក្កដា ឆ្នាំ២០១២
ដើម្បីចាត់ការតាមនីតិវិធីច្បាប់ ពាក់ព័ន្ធសំណុំរឿងដីធ្លី។
លោក ឱ បូរិន្ទ បញ្ជាក់ថា ពីដើមមក ស្ត្រីរូបនោះ មានដីចំនួន ៥ខេត្ត មាននៅស្ទឹងត្រែង ខេត្តកំពង់ចាម ខេត្តរតនគិរី ខេត្តកោះកុង និងខេត្តសៀមរាប។ គាត់មកខេត្តស្ទឹងត្រែងនេះ មិនមែនមានតួនាទីក្នុងនាមជាមេធាវីមានវិជ្ជាជីវៈទេ គឺក្នុងនាមផលប្រយោជន៍ផ្ទាល់ខ្លួនប៉ុណ្ណោះ។
លោក មេបញ្ជាការបានបញ្ជាក់ទៀតថា ក្រោយពេលឃាត់ខ្លួនសាកសួរ ជំទាវនោះ បានឆ្លើយថា មិនបានបំផុសប្រជាពលរដ្ឋទេ ហើយក៏មិនបានទៅប៉ះពាល់ក្រុមនិស្សិតដែរ។
លោកបញ្ជាក់ថា បើតាមរូបភាពពិត និងថតសំលេង បានបញ្ជាក់យ៉ាងច្បាស់ឃើញថា ស្ត្រីនោះ បានទៅសួរនាំនិស្សិត ក្នុងពេលចុះវាស់ដីធ្លី ជូនប្រជាលរដ្ឋ ត្រង់ចំណុចដុងក្រឡ ព្រំដែនឡាវ ដោយនិយាយពាក្យសម្តីធ្ងន់ៗ ដាក់ក្រុមយុវជន ដោយលើកឡើងថា "តើចុះមកនេះ មានអនុក្រឹត្យ ឬមានគោលការណ៍ច្បាស់លាស់ក៏អត់?" អ៊ីចឹងនៅពេលគាត់សួរនាំទៅលើនិស្សិតរបៀបនេះ ហាក់ដូចជា ធំពេកហើយ។
ប៉ុន្តែលោកមេបញ្ជាការ បានលើកឡើងថា "ក្នុងពេលគាត់សាកសួរទៅ ស្ត្រីនោះបានបដិសេធទៅវិញថា គាត់មិនបាននាំប្រជាពលរដ្ឋ ទៅបំផុសនៅចំណុចដុងក្រឡ កន្លែងដីរបស់គាត់ទេ។ ប៉ុន្តែតាមការពិតរូបភាពវីដេអូរ ដែលទទួលបាននោះ គឺគេឃើញស្ត្រីនោះ កំពុងឆ្ការដៃឆ្ការជើង ស្ថិតក្នុងចំណោមប្រជាពលរដ្ឋពី ១០ ទៅ ២០ នាក់"។
នៅល្ងាចថ្ងៃទី១២ ខែកក្កដា ឆ្នាំ២០១២ កងរាជអាវុធហត្ថខេត្តស្ទឹងត្រែង បានបញ្ជូនខ្លួនលោកជំទាវឈ្មោះ មាស សុខគន្ធ អាយុ ៤៣ឆ្នាំ មានតួនាទីអ្នកច្បាប់ (មេធាវី) និងជាអនុប្រធានក្រុមការងារថ្នាក់កណ្តាលគណបក្សប្រជាជនកម្ពុជា ចុះជួយខេត្តក្រចេះ និងស្វាមីឈ្មោះ គុជ ព្រីសុវណ្ណ អាយុ ៤០ឆ្នាំ ឋានៈ វរសេនីយ៍ទោ មុខងារនាយរងការិយាល័យបុគ្គលិក នៅអគ្គបញ្ជាការដ្ឋាន ទៅកាន់តុលាការសាលាដំបូងខេត្តស្ទឹងត្រែង។
ចំណែកឯឈ្មោះ មាស គារិទ្ធី អាយុ ៣២ឆ្នាំ ឋានៈវរសេនីយ៍ត្រី មុខងារលេខាផ្ទាល់លោក ចៅ ផល្លី កងឯកភាពអគ្គលេខាធិការរដ្ឋាន ឈ្មោះ វណ្ណ សាន្ត អាយុ ៤២ឆ្នាំ ឋានៈវរសេនីយ៍ឯក ជំនួយការលោក ធូ ស៊ុន កងឯកភាពខុទ្ទកាល័យអគ្គបញ្ជាការ និងឈ្មោះ សិទ្ធិ ទស្សី អាយុ ២៩ឆ្នាំ ឋានៈវរសេនីយ៍ទោ កងរាជអាវុធហត្ថលើផ្ទៃប្រទេស ត្រូវតុលាការដោះលែង បន្ទាប់ពីរកឃើញថា គ្មានកំហុស ដើម្បីដាក់បន្ទុកបទល្មើស។
សូមបញ្ជាក់ថា មនុស្សជាច្រើននាក់ រួមជាមួយលោកជំទាវ ឈ្មោះ មាស សុខគន្ធ មានតួនាទីក្រុមប្រឹក្សាអ្នកច្បាប់ នៅទីស្តីការគណៈរដ្ឋមន្ត្រី និងជាអនុប្រធានក្រុមការងារថ្នាក់កណ្តាលគណបក្សប្រជាជនកម្ពុជា ចុះជួយខេត្តក្រចេះ និងស្វាមី សកិ្ត ៤ ត្រូវកម្លាំងនគរបាល និងកងរាជអាវុធហត្ថខេត្តស្ទឹងត្រែង ឃាត់ខ្លួនតាមបទបញ្ជាថ្នាក់ដឹកនាំ ក្នុងរឿងទំនាស់ដីធ្លីមួយ កាលពីល្ងាចថ្ងៃ១០ ខែកក្កដា ឆ្នាំ២០១២។
ប្រភពពីអាជ្ញាធរខេត្តស្ទឹងត្រែង បង្ហើបឱ្យដឹងថា មូលហេតុ នាំឱ្យឃាត់ខ្លួនជំទាវរូបនោះ និងស្វាមីសកិ្ក ៤ នៅក្រសួងការពារជាតិ រួមទាំងមនុស្សជាច្រើននាក់ទៀត ដោយសារមានការប៉ះទង្គិចគ្នាជាមួយក្រុមនិស្សិតស្ម័គ្រចិត្តរបស់ សម្តេចតេជោ ហ៊ុន សែន ពេលចុះវាស់វែងដីធ្លី ត្រង់ចំណុចដុងក្រឡ តាមបណ្តោយផ្លូវជាតិលេខ៧ ខេត្តស្ទឹងត្រែង មានចម្ងាយប្រមាណជាង១០គីឡូម៉ែត្រពីព្រំដែនកម្ពុជា-ឡាវ។ ក្រោយមកថ្នាក់ដឹកនាំបានបញ្ជាឱ្យឃាត់ខ្លួនតែម្តង។
ក្រោយពីឃាត់ខ្លួនមកសាកសួរក្នុងទីបញ្ជាការដ្ឋានកងរាជអាវុធហត្ថខេត្ត ស្ទឹងត្រែង ទាំងយប់ គេឃើញមានឃាត់ទុករថយន្តម៉ាកឡង់គ្រីស័រ ស៊េរីខ្ពស់មួយគ្រឿង ស្លាកលេខបណ្តោះអាសន្ន ៤៣៧៦ មានតម្លៃជាង ១០ម៉ឺនដុល្លារ ពីជំទាវ មាស សុខគន្ធ។ ក្រៅពីនេះ ក៏មានឃាត់រថយន្តពីរគ្រឿងទៀតម៉ាក VIGO និងហ្វររីន័រមួយគ្រឿង។ក្នុងនោះ សមត្ថកិច្ចក៏បានដកហូតកាំភ្លើងខ្លី ៤ដើមផងដែរ។
ចំណែក មនុស្សទាំង ១៣នាក់ ក្រោយពីឃាត់ខ្លួន គេបានដោះលែងប្រជាពលរដ្ឋចំនួនប្រាំបីនាក់ទៅវិញ ទាំងយប់ ចេញពីទីបញ្ជាការដ្ឋានកងរាជអាវុធហត្ថខេត្តស្ទឹងត្រែងក្រោយរកឃើញថា អ្នកទាំងនោះ មិនជាប់ពាក់ព័ន្ធដីធ្លី។
ចំណែកឯអ្នកមកពី ទីក្រុងភ្នំពេញចំនួនប្រាំនាក់ អាជ្ញាធរខេត្តស្ទឹងត្រែងឃាត់ខ្លួន ពីបទជាប់សង្ស័យរឿងដីធ្លីនោះ។
ពួកគេមានឈ្មោះទី១.ជំទាវ មាស សុខគន្ធ តួនាទីក្រុមប្រឹក្សាអ្នកច្បាប់នៅទីស្តីការគណៈរដ្ឋមន្ត្រី និងជាអនុប្រធានក្រុមការងារថ្នាក់កណ្តាលគណបក្សប្រជាជនកម្ពុជា ចុះជួយខេត្តក្រចេះ។ ទី២.វរសេនីយ៍ទោ គុជ ព្រីសុវណ្ណ មានអាវុធខ្លី BERETTA លេខ០៦៥៦៩២Z ទី៣.វរសេនីយ៍ឯក វណ្ណ សាន្ត មានអាវុធខ្លីCF98+AK លេខ ០៦៥២៥០៧២៣៦+៩៧២៥ ទី៤.វរសេនីយ៍ត្រី មាស គារិទ្ធី ក្រសួងការពារជាតិជំនួយការផ្ទាល់លោក ចៅ ផល្លី មានអាវុធខ្លីម៉ាក K៥៩ លេខ៥២៨១ និងទី៥.ឧត្តមសេនីយ៍ទោ ប្រាក់ សិទ្ធិ កងរាជអាវុធហត្ថលើផ្ទៃប្រទេស៕
លោក ឱ បូរិន្ទ បញ្ជាក់ថា ពីដើមមក ស្ត្រីរូបនោះ មានដីចំនួន ៥ខេត្ត មាននៅស្ទឹងត្រែង ខេត្តកំពង់ចាម ខេត្តរតនគិរី ខេត្តកោះកុង និងខេត្តសៀមរាប។ គាត់មកខេត្តស្ទឹងត្រែងនេះ មិនមែនមានតួនាទីក្នុងនាមជាមេធាវីមានវិជ្ជាជីវៈទេ គឺក្នុងនាមផលប្រយោជន៍ផ្ទាល់ខ្លួនប៉ុណ្ណោះ។
លោក មេបញ្ជាការបានបញ្ជាក់ទៀតថា ក្រោយពេលឃាត់ខ្លួនសាកសួរ ជំទាវនោះ បានឆ្លើយថា មិនបានបំផុសប្រជាពលរដ្ឋទេ ហើយក៏មិនបានទៅប៉ះពាល់ក្រុមនិស្សិតដែរ។
លោកបញ្ជាក់ថា បើតាមរូបភាពពិត និងថតសំលេង បានបញ្ជាក់យ៉ាងច្បាស់ឃើញថា ស្ត្រីនោះ បានទៅសួរនាំនិស្សិត ក្នុងពេលចុះវាស់ដីធ្លី ជូនប្រជាលរដ្ឋ ត្រង់ចំណុចដុងក្រឡ ព្រំដែនឡាវ ដោយនិយាយពាក្យសម្តីធ្ងន់ៗ ដាក់ក្រុមយុវជន ដោយលើកឡើងថា "តើចុះមកនេះ មានអនុក្រឹត្យ ឬមានគោលការណ៍ច្បាស់លាស់ក៏អត់?" អ៊ីចឹងនៅពេលគាត់សួរនាំទៅលើនិស្សិតរបៀបនេះ ហាក់ដូចជា ធំពេកហើយ។
ប៉ុន្តែលោកមេបញ្ជាការ បានលើកឡើងថា "ក្នុងពេលគាត់សាកសួរទៅ ស្ត្រីនោះបានបដិសេធទៅវិញថា គាត់មិនបាននាំប្រជាពលរដ្ឋ ទៅបំផុសនៅចំណុចដុងក្រឡ កន្លែងដីរបស់គាត់ទេ។ ប៉ុន្តែតាមការពិតរូបភាពវីដេអូរ ដែលទទួលបាននោះ គឺគេឃើញស្ត្រីនោះ កំពុងឆ្ការដៃឆ្ការជើង ស្ថិតក្នុងចំណោមប្រជាពលរដ្ឋពី ១០ ទៅ ២០ នាក់"។
នៅល្ងាចថ្ងៃទី១២ ខែកក្កដា ឆ្នាំ២០១២ កងរាជអាវុធហត្ថខេត្តស្ទឹងត្រែង បានបញ្ជូនខ្លួនលោកជំទាវឈ្មោះ មាស សុខគន្ធ អាយុ ៤៣ឆ្នាំ មានតួនាទីអ្នកច្បាប់ (មេធាវី) និងជាអនុប្រធានក្រុមការងារថ្នាក់កណ្តាលគណបក្សប្រជាជនកម្ពុជា ចុះជួយខេត្តក្រចេះ និងស្វាមីឈ្មោះ គុជ ព្រីសុវណ្ណ អាយុ ៤០ឆ្នាំ ឋានៈ វរសេនីយ៍ទោ មុខងារនាយរងការិយាល័យបុគ្គលិក នៅអគ្គបញ្ជាការដ្ឋាន ទៅកាន់តុលាការសាលាដំបូងខេត្តស្ទឹងត្រែង។
ចំណែកឯឈ្មោះ មាស គារិទ្ធី អាយុ ៣២ឆ្នាំ ឋានៈវរសេនីយ៍ត្រី មុខងារលេខាផ្ទាល់លោក ចៅ ផល្លី កងឯកភាពអគ្គលេខាធិការរដ្ឋាន ឈ្មោះ វណ្ណ សាន្ត អាយុ ៤២ឆ្នាំ ឋានៈវរសេនីយ៍ឯក ជំនួយការលោក ធូ ស៊ុន កងឯកភាពខុទ្ទកាល័យអគ្គបញ្ជាការ និងឈ្មោះ សិទ្ធិ ទស្សី អាយុ ២៩ឆ្នាំ ឋានៈវរសេនីយ៍ទោ កងរាជអាវុធហត្ថលើផ្ទៃប្រទេស ត្រូវតុលាការដោះលែង បន្ទាប់ពីរកឃើញថា គ្មានកំហុស ដើម្បីដាក់បន្ទុកបទល្មើស។
សូមបញ្ជាក់ថា មនុស្សជាច្រើននាក់ រួមជាមួយលោកជំទាវ ឈ្មោះ មាស សុខគន្ធ មានតួនាទីក្រុមប្រឹក្សាអ្នកច្បាប់ នៅទីស្តីការគណៈរដ្ឋមន្ត្រី និងជាអនុប្រធានក្រុមការងារថ្នាក់កណ្តាលគណបក្សប្រជាជនកម្ពុជា ចុះជួយខេត្តក្រចេះ និងស្វាមី សកិ្ត ៤ ត្រូវកម្លាំងនគរបាល និងកងរាជអាវុធហត្ថខេត្តស្ទឹងត្រែង ឃាត់ខ្លួនតាមបទបញ្ជាថ្នាក់ដឹកនាំ ក្នុងរឿងទំនាស់ដីធ្លីមួយ កាលពីល្ងាចថ្ងៃ១០ ខែកក្កដា ឆ្នាំ២០១២។
ប្រភពពីអាជ្ញាធរខេត្តស្ទឹងត្រែង បង្ហើបឱ្យដឹងថា មូលហេតុ នាំឱ្យឃាត់ខ្លួនជំទាវរូបនោះ និងស្វាមីសកិ្ក ៤ នៅក្រសួងការពារជាតិ រួមទាំងមនុស្សជាច្រើននាក់ទៀត ដោយសារមានការប៉ះទង្គិចគ្នាជាមួយក្រុមនិស្សិតស្ម័គ្រចិត្តរបស់ សម្តេចតេជោ ហ៊ុន សែន ពេលចុះវាស់វែងដីធ្លី ត្រង់ចំណុចដុងក្រឡ តាមបណ្តោយផ្លូវជាតិលេខ៧ ខេត្តស្ទឹងត្រែង មានចម្ងាយប្រមាណជាង១០គីឡូម៉ែត្រពីព្រំដែនកម្ពុជា-ឡាវ។ ក្រោយមកថ្នាក់ដឹកនាំបានបញ្ជាឱ្យឃាត់ខ្លួនតែម្តង។
ក្រោយពីឃាត់ខ្លួនមកសាកសួរក្នុងទីបញ្ជាការដ្ឋានកងរាជអាវុធហត្ថខេត្ត ស្ទឹងត្រែង ទាំងយប់ គេឃើញមានឃាត់ទុករថយន្តម៉ាកឡង់គ្រីស័រ ស៊េរីខ្ពស់មួយគ្រឿង ស្លាកលេខបណ្តោះអាសន្ន ៤៣៧៦ មានតម្លៃជាង ១០ម៉ឺនដុល្លារ ពីជំទាវ មាស សុខគន្ធ។ ក្រៅពីនេះ ក៏មានឃាត់រថយន្តពីរគ្រឿងទៀតម៉ាក VIGO និងហ្វររីន័រមួយគ្រឿង។ក្នុងនោះ សមត្ថកិច្ចក៏បានដកហូតកាំភ្លើងខ្លី ៤ដើមផងដែរ។
ចំណែក មនុស្សទាំង ១៣នាក់ ក្រោយពីឃាត់ខ្លួន គេបានដោះលែងប្រជាពលរដ្ឋចំនួនប្រាំបីនាក់ទៅវិញ ទាំងយប់ ចេញពីទីបញ្ជាការដ្ឋានកងរាជអាវុធហត្ថខេត្តស្ទឹងត្រែងក្រោយរកឃើញថា អ្នកទាំងនោះ មិនជាប់ពាក់ព័ន្ធដីធ្លី។
ចំណែកឯអ្នកមកពី ទីក្រុងភ្នំពេញចំនួនប្រាំនាក់ អាជ្ញាធរខេត្តស្ទឹងត្រែងឃាត់ខ្លួន ពីបទជាប់សង្ស័យរឿងដីធ្លីនោះ។
ពួកគេមានឈ្មោះទី១.ជំទាវ មាស សុខគន្ធ តួនាទីក្រុមប្រឹក្សាអ្នកច្បាប់នៅទីស្តីការគណៈរដ្ឋមន្ត្រី និងជាអនុប្រធានក្រុមការងារថ្នាក់កណ្តាលគណបក្សប្រជាជនកម្ពុជា ចុះជួយខេត្តក្រចេះ។ ទី២.វរសេនីយ៍ទោ គុជ ព្រីសុវណ្ណ មានអាវុធខ្លី BERETTA លេខ០៦៥៦៩២Z ទី៣.វរសេនីយ៍ឯក វណ្ណ សាន្ត មានអាវុធខ្លីCF98+AK លេខ ០៦៥២៥០៧២៣៦+៩៧២៥ ទី៤.វរសេនីយ៍ត្រី មាស គារិទ្ធី ក្រសួងការពារជាតិជំនួយការផ្ទាល់លោក ចៅ ផល្លី មានអាវុធខ្លីម៉ាក K៥៩ លេខ៥២៨១ និងទី៥.ឧត្តមសេនីយ៍ទោ ប្រាក់ សិទ្ធិ កងរាជអាវុធហត្ថលើផ្ទៃប្រទេស៕
No comments:
Post a Comment