លោក គាត ឈន់៖ ឆ្នាំ២០១១ រដ្ឋាភិបាលបានផ្ដល់ដីសម្បទានសេដ្ឋកិច្ច ៧,៥ សែនហិកតា
1
1
ភ្នំពេញ:
លោកឧបនាយករដ្ឋមន្ត្រី គាត ឈន់
រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានលើកឡើងថា
ការផ្ដល់ដីសម្បទានសេដ្ឋកិច្ច ដល់ក្រុមហ៊ុនវិនិយោគលើវិស័យកសិកម្ម
គឺជាការងារជាអាទិភាពមួយរបស់រដ្ឋាភិបាល
ដើម្បីរក្សាកំណើនសេដ្ឋកិច្ចជាតិ។ ជាក់ស្ដែង ដីសម្បទានសេដ្ឋកិច្ច
បានកើនឡើងពី ២ សែនហិកតា នៅឆ្នាំ២០០៨ រហូតល់ ៧,៥ សែនហិកតា
ក្នុងឆ្នាំ២០១១។
លោក គាត ឈន់ បានបន្ថែមថា នៅពេលថ្មីៗនេះដែរ ក្រុមប្រឹក្សាអភិវឌ្ឍន៍កម្ពុជា ក៏បានឯកភាពលើគម្រោងវិនិយោគកសិឧស្សាហកម្ម ដែលមានទឹកប្រាក់ជាង ២៣០ លានដុល្លារអាមេរិក តាមរយៈការផ្តល់ដីសម្បទានសេដ្ឋកិច្ច ទៅឲ្យក្រុមហ៊ុនឯកជន។
ការថ្លែងបែបនេះរបស់រដ្ឋមន្ត្រីក្រសួង សេដ្ឋកិច្ច និងហិរញ្ញវត្ថុ បានធ្វើឡើងនៅក្នុងពីធីបើកវគ្គបណ្ដុះបណ្ដាល ស្ដីពី ការវាយតម្លៃអចលនទ្រព្យ ដីសម្បទាន ដីកសិកម្ម ដីតំបន់អភិវឌ្ឍន៍ក្រុងរណប និងការវាយតម្លៃទ្រព្យសកម្ម នៅវិទ្យាស្ថានជាតិអប់រំ នាព្រឹកថ្ងៃទី២៦ ខែមីនា ឆ្នាំ២០១២ រៀបចំដោយសមាគមអ្នកវាយតម្លៃ និងភ្នាក់ងារអចលនទ្រព្យកម្ពុជា។
ជាមួយគ្នានោះ លោកឧបនាយករដ្ឋមន្ត្រី គាត ឈន់ បានប្រសាសន៍បន្តថា ទន្ទឹមនឹងការរីកចម្រើនវិស័យសំណង់ វិស័យកសិកម្ម ក៏កំពុងមានការចាប់អារម្មណ៍ពីសំណាក់អ្នកវិនិយោគទុនក្នុងស្រុក និងក្រៅស្រុកផងដែរ ដោយសារតែប្រទេសកម្ពុជា ជាប្រទេស ដែលមានសក្ដានុពលផ្នែកវិស័យកសិកម្ម។ ដីកសិកម្មគិតត្រឹមឆ្នាំ២០០៩ កម្ពុជាមានផ្ទៃដីសរុបចំនួន ៥៥.៥៥០ គីឡូម៉ែត្រក្រឡា ស្មើនឹង ៣០,៦៨ ភាគរយ នៃផ្ទៃប្រទេស បើប្រៀបទៅនឹងឆ្នាំ១៩៩០ ផ្ទៃដីកសិកម្មបានកើនឡើង ២៤,៦៩ ភាគរយ គឺស្មើនឹង ១១.០០០ គីឡូម៉ែត្រក្រឡា។
លោក ឧបនាយករដ្ឋមន្ត្រី គាត ឈន់ បានលើកឡើងថា សក្ដានុពលផ្ទៃដីនេះ បានប្រែក្លាយកម្ពុជា ឲ្យលេចមុខមាត់ឡើងនៅលើឆាកអន្តរជាតិ ដែលបច្ចុប្បន្នកម្ពុជា បានជាប់ចំណាត់ថ្នាក់ទី១៥ នៃបណ្ដាប្រទេសមានសក្ដានុពលផលិតអង្ករនៅក្នុងពិភពលោក។
ជាការកត់សម្គាល់ កាលពីថ្ងៃទី២២ មីនា ឆ្នាំ២០១២ អង្គការសិទ្ធិមនុស្ស អាដហុក បានផ្សព្វផ្សាយរបាយការណ៍ ស្តីពី “សិទ្ធិដីធ្លី និងលំនៅដ្ឋាន ឆ្នាំ២០១១” ដោយបង្ហាញថា ក្នុងឆ្នាំ២០១១ ជាឆ្នាំមួយ ដែលរដ្ឋាភិបាលកម្ពុជា បានផ្តល់សម្បទានដីសេដ្ឋកិច្ចជាច្រើន រហូតដល់កាត់ដីចេញពីឧទ្យានជាតិ ពីតំបន់ការពារសត្វ និងរុក្ខជាតិ ផ្តល់ឲ្យក្រុមហ៊ុនឯកជន។
តាមរបាយការណ៍ របស់អាដហុក ក្នុងឆ្នាំ២០១១ រដ្ឋាភិបាលកម្ពុជា បានចេញអនុក្រឹត្យចំនួន ១២៣ ដើម្បីផ្តល់ដីសម្បទានសេដ្ឋកិច្ចទៅឲ្យក្រុមហ៊ុនឯកជន ដែលមានផ្ទៃដីចំនួន ៧៥១.៨៨២ ហិកតា។ ក្នុងនោះ ផ្ទៃដីជាង ២ ភាគ ៣ បានកាត់ចេញពីដីការពារ ដោយព្រះរាជក្រឹត្យ ដែលជាតំបន់ការពារសត្វព្រៃ និងព្រៃឈើ។
តាមរបាយការណ៍ នៅកម្ពុជា សព្វថ្ងៃ ពុំមានដីទំនេរ សម្រាប់ផ្តល់សម្បទានសេដ្ឋកិច្ចដល់ក្រុមហ៊ុនឯកជនទៀតទេ។ គិតមកទល់នឹងឆ្នាំ២០១១ រដ្ឋាភិបាលបានផ្តល់ដីសម្បទានសេដ្ឋកិច្ចសរុប ប្រមាណ ២.២៧៦.៣៤៩ ហិកតា ទៅដល់ក្រុមហ៊ុនឯកជនចំនួន ២២៥ ក្រុមហ៊ុន តាមរយៈក្រសួងកសិកម្ម រុក្ខាប្រមាញ់ និងនេសាទ និងតាមរយៈអនុក្រឹត្យ ផ្តល់ដីសម្បទានសេដ្ឋកិច្ច ពីប្រមុខរាជរដ្ឋាភិបាលដោយផ្ទាល់។
តាមរបាយការណ៍ដដែល ចំនួនដីសម្បទានសេដ្ឋកិច្ចនៅកម្ពុជា អាចមានច្រើនជាងនេះទៀត ព្រោះមានក្រសួងមួយចំនួនទៀត ក៏មានសិទ្ធិផ្តល់សម្បទានដីសេដ្ឋកិច្ច សម្រាប់វិស័យផ្សេងៗ ដូចជា ដីសម្បទាន សម្រាប់រុករករ៉ែ ៥៦ សម្បទាន តាមរយៈក្រសួងឧស្សាហកម្មរ៉ែ និងថាមពល និងមានផ្តល់សម្បទានដីសេដ្ឋកិច្ច សម្រាប់ពង្រីកតំបន់សេដ្ឋកិច្ចពិសេស ដែលមានចំនួន ២២ សម្បទានផ្សេងទៀត។
ក្នុងសន្និសីទកាសែត បង្ហាញពីរបាយការណ៍នោះ លោក ធន សារាយ ប្រធានអង្គការ អាដហុក បានលើកឡើងថា ការផ្តល់ដីសម្បទានសេដ្ឋកិច្ចដ៏ច្រើននេះ ជាមូលហេតុដ៏ចម្បង ដែលបង្កឲ្យមានទំនាស់ដីធ្លីនាពេលបច្ចុប្បន្ន និងទៅបណ្តាឆ្នាំខាងមុខៗទៀត។
របាយការណ៍លើកឡើងថា ជម្លោះដីធ្លី ក្នុងឆ្នាំ២០១១ តុលាការបានចោទប្រកាន់ប្រជាពលរដ្ឋចំនួន ៤២៧ នាក់។ ក្នុងនោះ មាន ៩៥នាក់ បានត្រូវចាប់ខ្លួន ហើយរហូតមកដល់ពេលនេះ នៅមានមនុស្ស ៤៨ នាក់ ដែលកំពុងតែជាប់ឃុំឃាំងនៅឡើយ។
អាដហុក លើកឡើងថា ក្រៅពីជម្លោះសម្បទានដីសេដ្ឋកិច្ច ក៏មានបញ្ហាលើការបណ្តេញសហគមន៍ក្រីក្រចេញដោយបង្ខំពីទីក្រុង ដែលធ្វើឡើងដោយអាជ្ញាធរមានសមត្ថកិច្ច។ រហូតមកទល់ឆ្នាំ២០១១ មានសហគមន៍ចំនួន ១២៧ សហគមន៍ ត្រូវបានបណ្តេញចេញ ក្នុងនោះ មាន ៨១ សហគមន៍ នៅភ្នំពេញ។ ការបណ្ថេញចេញដោយបង្ខំនេះ ប៉ះពាល់ដល់ពលរដ្ឋ ចំនួន ៣០.០០៩ គ្រួសារ៕
លោក គាត ឈន់ បានបន្ថែមថា នៅពេលថ្មីៗនេះដែរ ក្រុមប្រឹក្សាអភិវឌ្ឍន៍កម្ពុជា ក៏បានឯកភាពលើគម្រោងវិនិយោគកសិឧស្សាហកម្ម ដែលមានទឹកប្រាក់ជាង ២៣០ លានដុល្លារអាមេរិក តាមរយៈការផ្តល់ដីសម្បទានសេដ្ឋកិច្ច ទៅឲ្យក្រុមហ៊ុនឯកជន។
ការថ្លែងបែបនេះរបស់រដ្ឋមន្ត្រីក្រសួង សេដ្ឋកិច្ច និងហិរញ្ញវត្ថុ បានធ្វើឡើងនៅក្នុងពីធីបើកវគ្គបណ្ដុះបណ្ដាល ស្ដីពី ការវាយតម្លៃអចលនទ្រព្យ ដីសម្បទាន ដីកសិកម្ម ដីតំបន់អភិវឌ្ឍន៍ក្រុងរណប និងការវាយតម្លៃទ្រព្យសកម្ម នៅវិទ្យាស្ថានជាតិអប់រំ នាព្រឹកថ្ងៃទី២៦ ខែមីនា ឆ្នាំ២០១២ រៀបចំដោយសមាគមអ្នកវាយតម្លៃ និងភ្នាក់ងារអចលនទ្រព្យកម្ពុជា។
ជាមួយគ្នានោះ លោកឧបនាយករដ្ឋមន្ត្រី គាត ឈន់ បានប្រសាសន៍បន្តថា ទន្ទឹមនឹងការរីកចម្រើនវិស័យសំណង់ វិស័យកសិកម្ម ក៏កំពុងមានការចាប់អារម្មណ៍ពីសំណាក់អ្នកវិនិយោគទុនក្នុងស្រុក និងក្រៅស្រុកផងដែរ ដោយសារតែប្រទេសកម្ពុជា ជាប្រទេស ដែលមានសក្ដានុពលផ្នែកវិស័យកសិកម្ម។ ដីកសិកម្មគិតត្រឹមឆ្នាំ២០០៩ កម្ពុជាមានផ្ទៃដីសរុបចំនួន ៥៥.៥៥០ គីឡូម៉ែត្រក្រឡា ស្មើនឹង ៣០,៦៨ ភាគរយ នៃផ្ទៃប្រទេស បើប្រៀបទៅនឹងឆ្នាំ១៩៩០ ផ្ទៃដីកសិកម្មបានកើនឡើង ២៤,៦៩ ភាគរយ គឺស្មើនឹង ១១.០០០ គីឡូម៉ែត្រក្រឡា។
លោក ឧបនាយករដ្ឋមន្ត្រី គាត ឈន់ បានលើកឡើងថា សក្ដានុពលផ្ទៃដីនេះ បានប្រែក្លាយកម្ពុជា ឲ្យលេចមុខមាត់ឡើងនៅលើឆាកអន្តរជាតិ ដែលបច្ចុប្បន្នកម្ពុជា បានជាប់ចំណាត់ថ្នាក់ទី១៥ នៃបណ្ដាប្រទេសមានសក្ដានុពលផលិតអង្ករនៅក្នុងពិភពលោក។
ជាការកត់សម្គាល់ កាលពីថ្ងៃទី២២ មីនា ឆ្នាំ២០១២ អង្គការសិទ្ធិមនុស្ស អាដហុក បានផ្សព្វផ្សាយរបាយការណ៍ ស្តីពី “សិទ្ធិដីធ្លី និងលំនៅដ្ឋាន ឆ្នាំ២០១១” ដោយបង្ហាញថា ក្នុងឆ្នាំ២០១១ ជាឆ្នាំមួយ ដែលរដ្ឋាភិបាលកម្ពុជា បានផ្តល់សម្បទានដីសេដ្ឋកិច្ចជាច្រើន រហូតដល់កាត់ដីចេញពីឧទ្យានជាតិ ពីតំបន់ការពារសត្វ និងរុក្ខជាតិ ផ្តល់ឲ្យក្រុមហ៊ុនឯកជន។
តាមរបាយការណ៍ របស់អាដហុក ក្នុងឆ្នាំ២០១១ រដ្ឋាភិបាលកម្ពុជា បានចេញអនុក្រឹត្យចំនួន ១២៣ ដើម្បីផ្តល់ដីសម្បទានសេដ្ឋកិច្ចទៅឲ្យក្រុមហ៊ុនឯកជន ដែលមានផ្ទៃដីចំនួន ៧៥១.៨៨២ ហិកតា។ ក្នុងនោះ ផ្ទៃដីជាង ២ ភាគ ៣ បានកាត់ចេញពីដីការពារ ដោយព្រះរាជក្រឹត្យ ដែលជាតំបន់ការពារសត្វព្រៃ និងព្រៃឈើ។
តាមរបាយការណ៍ នៅកម្ពុជា សព្វថ្ងៃ ពុំមានដីទំនេរ សម្រាប់ផ្តល់សម្បទានសេដ្ឋកិច្ចដល់ក្រុមហ៊ុនឯកជនទៀតទេ។ គិតមកទល់នឹងឆ្នាំ២០១១ រដ្ឋាភិបាលបានផ្តល់ដីសម្បទានសេដ្ឋកិច្ចសរុប ប្រមាណ ២.២៧៦.៣៤៩ ហិកតា ទៅដល់ក្រុមហ៊ុនឯកជនចំនួន ២២៥ ក្រុមហ៊ុន តាមរយៈក្រសួងកសិកម្ម រុក្ខាប្រមាញ់ និងនេសាទ និងតាមរយៈអនុក្រឹត្យ ផ្តល់ដីសម្បទានសេដ្ឋកិច្ច ពីប្រមុខរាជរដ្ឋាភិបាលដោយផ្ទាល់។
តាមរបាយការណ៍ដដែល ចំនួនដីសម្បទានសេដ្ឋកិច្ចនៅកម្ពុជា អាចមានច្រើនជាងនេះទៀត ព្រោះមានក្រសួងមួយចំនួនទៀត ក៏មានសិទ្ធិផ្តល់សម្បទានដីសេដ្ឋកិច្ច សម្រាប់វិស័យផ្សេងៗ ដូចជា ដីសម្បទាន សម្រាប់រុករករ៉ែ ៥៦ សម្បទាន តាមរយៈក្រសួងឧស្សាហកម្មរ៉ែ និងថាមពល និងមានផ្តល់សម្បទានដីសេដ្ឋកិច្ច សម្រាប់ពង្រីកតំបន់សេដ្ឋកិច្ចពិសេស ដែលមានចំនួន ២២ សម្បទានផ្សេងទៀត។
ក្នុងសន្និសីទកាសែត បង្ហាញពីរបាយការណ៍នោះ លោក ធន សារាយ ប្រធានអង្គការ អាដហុក បានលើកឡើងថា ការផ្តល់ដីសម្បទានសេដ្ឋកិច្ចដ៏ច្រើននេះ ជាមូលហេតុដ៏ចម្បង ដែលបង្កឲ្យមានទំនាស់ដីធ្លីនាពេលបច្ចុប្បន្ន និងទៅបណ្តាឆ្នាំខាងមុខៗទៀត។
របាយការណ៍លើកឡើងថា ជម្លោះដីធ្លី ក្នុងឆ្នាំ២០១១ តុលាការបានចោទប្រកាន់ប្រជាពលរដ្ឋចំនួន ៤២៧ នាក់។ ក្នុងនោះ មាន ៩៥នាក់ បានត្រូវចាប់ខ្លួន ហើយរហូតមកដល់ពេលនេះ នៅមានមនុស្ស ៤៨ នាក់ ដែលកំពុងតែជាប់ឃុំឃាំងនៅឡើយ។
អាដហុក លើកឡើងថា ក្រៅពីជម្លោះសម្បទានដីសេដ្ឋកិច្ច ក៏មានបញ្ហាលើការបណ្តេញសហគមន៍ក្រីក្រចេញដោយបង្ខំពីទីក្រុង ដែលធ្វើឡើងដោយអាជ្ញាធរមានសមត្ថកិច្ច។ រហូតមកទល់ឆ្នាំ២០១១ មានសហគមន៍ចំនួន ១២៧ សហគមន៍ ត្រូវបានបណ្តេញចេញ ក្នុងនោះ មាន ៨១ សហគមន៍ នៅភ្នំពេញ។ ការបណ្ថេញចេញដោយបង្ខំនេះ ប៉ះពាល់ដល់ពលរដ្ឋ ចំនួន ៣០.០០៩ គ្រួសារ៕
No comments:
Post a Comment