បក្សនយោបាយ និងអង្គការក្រៅរដ្ឋាភិបាល អាចចូលរួមដោះស្រាយដីធ្លីបាន បើពួកគេមានគោលបំណងល្អ
បើទោះជាក្រុមជនពាលបាតផ្សា ក៏ពួកគេចេះទទួលខុស ត្រូវទៅលើទង្វើរ និងពាក្យសំដីរបស់ពួកគេដែរ តែសំរាប់ពួក ហ៊ុន សែន មិនដែលចេះទទួលខុសត្រូវទៅលើទង្វើរ និងពាក្យសំដីរបស់ខ្លួនឡើយ នេះបានចំជាពួកទមិឡគ្មានគូប្រៀបមែន។ ម្សិលម៉ិញថាទេ ថ្ងៃនេះថាបាន!
ក្នងពេលចែកប័ណ្ណកម្មសិទ្ធិដីធ្លីដល់ប្រជាពល រដ្ឋ នៅខេត្តព្រះវិហារ កាលពីព្រឹកថ្ងៃសុក្រ ទី២៣ ខែវិច្ឆិកា ឆ្នាំ២០១២ សម្តេចនាយករដ្ឋមន្ត្រី ហ៊ុន សែន បានថ្លែងថា សម្តេចនឹងមិនជួយដោះស្រាយបញ្ហាដីធ្លីណាដែលមានការចូលឡូកឡំពីគណបក្សនយោបាយ និងអង្គការក្រៅរដ្ឋាភិបាល ដែលជួយដល់ប្រជាពលរដ្ឋ ក្នុងជម្លោះដីធ្លីនោះឡើយ ។ ក៏ប៉ុន្តែ សម្តេចហ៊ុន សែន បានគូសបញ្ជាក់ជាថ្មីបន្ថែមលើសារនយោបាយក្នុងបញ្ហាដីធ្លីនោះ ថា គណបក្សនយោបាយ និងអង្គការក្រៅរដ្ឋាភិបាល អាចចូលរួមដោះស្រាយដីធ្លី បើសិនជាពួកគេមានគោលបំណងពិតប្រាកដក្នុងការបញ្ចប់បញ្ហាដីធ្លីនោះមែន។
នាព្រឹកថ្ងៃទី២៦ ខែវិច្ឆិកា ឆ្នាំ២០១២ នេះ ក្នុងពិធីបើកការដ្ឋានសាងសង់ស្ពានស្ទឹងមានជ័យ សម្តេចបានបញ្ជាក់ជាថ្មី ថា បើសិនជាគណបក្សនយោបាយ និងអង្គការមួយចំនួន មានឆន្ទៈក្នុងការស្វែងរកដំណោះស្រាយដើម្បី បញ្ចប់ជម្លោះដីធ្លីនោះ គឺពួកគេអាចលូកដៃចូលរួមស្វែងរកដំណោះស្រាយជូនប្រជាពលរដ្ឋបាន។ ប៉ុន្តែ បើសិនជាបក្សនយោបាយ និងអង្គការក្រៅរដ្ឋាភិបាលទាំងនោះ មានបំណងរាំងខ្ទប់ និងពង្រីកបញ្ហាដីធ្លី ក្នុងទិដ្ឋភាពនយោបាយ គឺសម្តេចមិនអនុញ្ញាតឲ្យកើតមាន ហើយសម្តេចក៏មិនជួយអន្តរាគមន៍ដោះស្រាយដីធ្លីនោះឡើយ។
ក្នុងឱកាសនោះដែរ សម្តេចនាយករដ្ឋមន្ត្រី ហ៊ុន សែន បានប្រកាសថា នៅថ្ងៃទី២៨ ខែវិច្ឆិកា ឆ្នាំ២០១២ នឹងមានព្រះរាជពិធី ថ្វាយព្រះបរមបច្ឆាមរណនាម ថ្វាយព្រះបរមសព សម្តេចឪ សម្តេចព្រះមហាវីរក្សត្រ សម្តេចព្រះ នរោត្តម សីហនុ គឺ "ព្រះបរមរតនកោដ្ឋ"។ ចំណែកព្រះរាជពិធីថ្វាយព្រះភ្លើងបូជា ដល់ព្រះបរមរតនកោដ្ឋ នឹងធ្វើឡើងនៅថ្ងៃទី៤ ខែកុម្ភៈ ឆ្នាំ២០១៣។ ព្រះបរមសព សម្តេចឪ នរោត្តម សីហនុ នឹងត្រូវដង្ហែចេញពីព្រះបរមរាជវាំង នៅថ្ងៃទី១ ខែកុម្ភៈ ឆ្នាំ២០១៣ ហើយផ្លូវមួយចំនួន ត្រូវបិទចរចរណ៍។ ព្រះបរមសព សម្តេចឪ នឹងត្រូវតម្កល់នៅវាលព្រះមេរុ រយៈពេល ៣ ថ្ងៃមុននឹងថ្វាយព្រះភ្លើងខណៈដែលព្រះមេរុត្រូវបានសាងសង់ទាំ ង យប់ទាំងថ្ងៃ ចាប់តាំងពីចុងខែតុលា។
នៅព្រឹកថ្ងៃនេះដែរ បន្ទាប់ពីបញ្ចប់ពិធីបើកការដ្ឋានសាងសង់ស្ពានអាកាសស្ទឹងមានជ័យភ្លាម សម្តេចនាយករដ្ឋមន្ត្រី ហ៊ុន សែន អមដំណើរដោយមន្ត្រីជាន់ខ្ពស់រាជរដ្ឋាភិបាល ពិសេសសម្តេចចៅហ្វាវាំង គង់ សំអុល បានចុះទៅពិនិត្យការស្ថាបនាសាងសង់ព្រះមេរុ ដើម្បីរៀចំព្រះរាជពិធីថ្វាយព្រះភ្លើងថ្វាយសម្តេចព្រះមហាវីរក្សត្រ សម្តេចព្រះ នរោត្តម សីហនុ នៅវាលព្រះមេរុ ខាងជើង ជាប់ព្រះបរមរាជវាំង៕
នៅព្រឹកថ្ងៃនេះដែរ បន្ទាប់ពីបញ្ចប់ពិធីបើកការដ្ឋានសាងសង់ស្ពានអាកាសស្ទឹងមានជ័យភ្លាម សម្តេចនាយករដ្ឋមន្ត្រី ហ៊ុន សែន អមដំណើរដោយមន្ត្រីជាន់ខ្ពស់រាជរដ្ឋាភិបាល ពិសេសសម្តេចចៅហ្វាវាំង គង់ សំអុល បានចុះទៅពិនិត្យការស្ថាបនាសាងសង់ព្រះមេរុ ដើម្បីរៀចំព្រះរាជពិធីថ្វាយព្រះភ្លើងថ្វាយសម្តេចព្រះមហាវីរក្សត្រ សម្តេចព្រះ នរោត្តម សីហនុ នៅវាលព្រះមេរុ ខាងជើង ជាប់ព្រះបរមរាជវាំង៕
No comments:
Post a Comment