ដាក់បញ្ចូលពេល 10 September 2012, 16:43 AEST
ក្រុមអ្នករត់ម៉ូតូឌុបគាំទ្រដល់ តុលាការដែលឃុំខ្លួនអ្នកវាយដំកម្មករម៉ូតូឌុប។ (Credit: ABC Licensed)
ក្រុមអ្នករត់ម៉ូតូឌុបបាននាំគ្នាស្រែកគាំទ្រឲ្យតុលា ការ បន្តឃុំខ្លួនអ្នកស្រី យ៉ោម បុប្ផា ដែលបានប្រព្រឹត្តបទល្មើសព្រហ្មទណ្ឌលើកម្មកររត់ម៉ូតូឌុប។ ក្នុងការជួបជុំគ្នានាព្រឹកនេះ ក្រុមម៉ូតូឌុបបានលើកបដាដែលថា ការធ្វើទារុណកម្មអ្នករត់ម៉ូតូឌុបគឺជាអំពើខុសច្បាប់។ លោក ឯ សុភាស់ ប្រធានសមាគមរួមគ្នាដើម្បីអភិវឌ្ឍន៍កម្ពុជាដែលដឹកនាំការប្រ ឆាំងតវ៉ានេះ បានឲ្យដឹងថា នេះគឺជាការប្រមូលផ្តុំកម្មកររត់ម៉ូតូឌុប ដើម្បីប្រឆាំងការដែលមានក្រុមទាមទារឲ្យដោះលែងជនល្មើសដែលវាយ ដំអ្នករត់ម៉ូតូឌុប។
(សំឡេង លោក ឯ សុភាស់)
លោក ឯ សុភាស់ បានធ្វើការរាយរ៉ាប់អំពីការជាប់ចោទរបស់អ្នកស្រី យ៉ោម បុប្ផា និងក្រុមគ្រួសារ ដែលធ្វើការវាយដំទៅលើជនរងគ្រោះ២នាក់ដែលជាអ្នករត់ម៉ូតុឌុប។
(សំឡេង លោក ឯ សុភាស់)
លោក វ៉ាត សារ៉ាត ដែលជាឪពុក និងឪពុកមាជនរងគ្រោះបានចូលរួមនៅក្នុងការតវ៉ានេះ បានរាយរ៉ាប់អំពីស្ថានភាពជនរងគ្រោះ។
(សំឡេងលោក វ៉ាត សារ៉ាត)
សូម រំលឹកថា អ្នកស្រី យ៉ោម បុប្ផា ត្រូវបានសមត្ថកិច្ចចាប់ខ្លួនដាក់ពន្ធនាគារព្រៃស ពេលកំពុងធ្វើដំណើរកាលពីថ្ងៃទី៤កញ្ញា ហើយសហគមន៍បឹងកក់បានចោទថា នេះគឺជាការបំបិទមាត់សកម្មជនតវ៉ាដីធ្លីនៅបឹងកក់។
Radio Australia មិនអាចទាក់ទង អ្នកស្រី យ៉ោម បុប្ផា ដែលកំពុងជាប់ឃុំ នៅពន្ធនាគារព្រៃសនោះទេ ហើយក្រុមគ្រួសាររបស់អ្នកស្រីក៏មិនទាន់អាចទាក់ទងបានដែរ។ ប៉ុន្តែយោងតាមការរ៉ាយរ៉ាប់រឿងរ៉ាវបានឲ្យដឹងថា ការវាយដំប្រព្រឹត្តដោយក្រុមគ្រួសារអ្នកស្រី យ៉ោម បុប្ផា នេះពីព្រោះតែអ្នករត់ម៉ូតូត្រូវបានគេចោទប្រកាន់ថាបានលួច កញ្ចក់ឡានគេ។ ជាមួយគ្នានេះនៅព្រឹកនេះដែរ អ្នកភូមិបឹងកក់បានប្រមូលគ្នាដើរជាក្បួនចេញពីសហគមន៍បឹងកក់ ទៅតវ៉ានៅស្ថាប័នរដ្ឋាភិបាល ដើម្បីឲ្យដោះលែង អ្នកស្រី យ៉ោម បុប្ផា។ ប៉ុន្តែការដើរក្បួននេះត្រូវបានក្រុមសមត្ថកិច្ចរារាំង ដោយលើកហេតុផលថា បានប៉ះពាល់ដល់សណ្តាប់ធ្នាប់សាធារណៈ។ ប៉ុន្តែនៅម៉ោងជិត១១ព្រឹកនេះដែរ ក្រុមអ្នករត់ម៉ូតូឌុប បានយកញត្តិគាំទ្រទៅដាក់នៅតុលាការកំពូល ហើយក្បួនបានបន្តទៅដាក់នៅតុលាការក្រុងភ្នំពេញទៀតដោយសុវត្ថិ ភាពគ្មានការរារាំងពីសមត្ថកិច្ចនោះទេ៕
No comments:
Post a Comment