Saturday, 23 Apr 2011 13:19
ដើម្បីសម្រេចឱ្យបាន
តាមសារាចរណែនាំរបស់រាជរដ្ឋាភិបាលលេខ០៣ សរណន ចុះថ្ងៃទី២២ ខែមីនា
ឆ្នាំ២០១១ ដែលបានដាក់ចេញស្តីអំពី ការគ្រប់គ្រងគ្រោះអាសន្ននៅក្នុង
និងក្បែរអាកាសយានដ្ឋាន នៅព្រឹកថ្ងៃទី២២ ខែមេសា ឆ្នាំ២០១១
នៅសាលារាជធានីភ្នំពេញ
មានបើកកិច្ចប្រជុំពិភាក្សាជាបន្ទាន់មួយក្រោមការដឹកនាំរបស់ ឯកឧត្តម កែប
ជុតិមា អភិបាលរាជធានីភ្នំពេញ
ព្រមទាំងមានវត្តមានចូលរួមពីអភិបាលខណ្ឌទាំង៨ និងមន្ទីរជំនាញ
អង្គភាពពាក់ព័ន្ធក្រោមឱវាទសាលារាជធានី។
នៅខណៈនោះ
លោក កើត ឆែ នាយករងរដ្ឋបាល សាលារាជធានីភ្នំពេញបានអាន បទបញ្ជាណែនាំរបស់
រាជរដ្ឋាភិបាលលេខ០៣ សរណន សី្តពីការគ្រប់គ្រងគ្រោះអាសន្ននៅក្នុង
និងក្បែរអាកាសយានដ្ឋាន ជូនអង្គប្រជុំ ដើម្បីចូលរួមក្នុងការអនុវត្ត
និងពិភាក្សាស្វែងយល់រកយុទ្ធសាស្ត្រចម្បង ក្នុងគោលបំណងគ្រប់គ្រង
និងសង្គ្រោះបន្ទាន់ចំពោះគ្រោះអាសន្នដែលអាចកើតមានឡើងនៅក្នុង
និងក្បែរយានដ្ឋាន សំដៅកាត់បន្ថយផលប៉ះពាល់ ទៅលើអាយុជីវិតមនុស្ស អ្នកដំណើរ
ឋបណីភ័ណ្ឌអាកាសយានដ្ឋាន
និងប្រតិបត្តិករក្រុមហ៊ុនអាកាសចរណ៍នៅព្រះរាជាណាចក្រកម្ពុជា
ក្នុងនោះផ្តោតលើការទទួលខុសត្រូវតាមយន្តការដែលបានបង្កើតឡើង
លើការគ្រប់គ្រងដឹកនាំពេលធ្វើលំហាត់សមយុទ្ធ
និងសង្គ្រោះបន្ទាន់ពេលមានគ្រោះអាសន្នកើតឡើងជាយថាហេតុ។
ក្នុងអង្គប្រជុំនាខណៈនោះ ក៏បានលើកឡើងពីបញ្ហា លំនៅដ្ឋាន
ការសង់សំណង់ខ្ពស់ អង់តែន បង្គោលខ្ពស់នានា និងសំណង់បណ្តោះអាសន្ន
លើដីរដ្ឋនៅក្បែរបរិវេណ តំបន់ព្រលានអាកាសយានដ្ឋានផងដែរ។
នាឱកាសនោះ ឯកឧត្តម កែប ជុតិមា អភិបាលរាជធានីភ្នំពេញ ក៏បានជម្រុញឱ្យមន្ត្រីទទួលបន្ទុកជំនាញទាំងអស់ត្រូវយកចិត្តដាក់ និងទទួលខុសត្រូវខ្ពស់លើភារៈកិច្ចបានបែងចែក តាមការបង្កើតឱ្យមានគណៈឯកភាពគ្រប់គ្រងគ្រោះអាសន្នក្នុង និងក្បែរអាកាសយានដ្ឋាននៅរាជធានីភ្នំពេញ (ដែលមានចែងក្នុងបទបញ្ជាលេខ ០៣សរណន)។ ស្របជាមួយនេះ ឯកឧត្តម បានចាត់ឲ្យលោកនាយក និងនាយករង រដ្ឋបាលសាលារាជធានី សហការជាមួយនឹង ជំនាញពាក់ព័ន្ធ ក៏ដូចជាអាជ្ញាធរគ្រប់គ្រងអាកាសយានដ្ឋាន រៀបចំជាផែនទីទីតាំង និងតំបន់ព័ន្ធជុំវិញអាកាសយានដ្ឋាន ក្នុងរង្វង់ ៨គីឡូម៉ែត្រ ឲ្យបានល្អិតល្អន់ ព្រមទាំងបង្កើតជាគោលការណ៍ស្នូលមួយ(Guidelines) ដើម្បីអនុវត្ត នៅពេលមានគ្រោះអាសន្នកើតមានឡើង ដោយចែកជាជំហាន និងបែងចែកភារកិច្ច នៃផ្នែកពាក់ព័ន្ធឲ្យបានច្បាស់លាស់។ ហើយ ឯកឧត្តមអភិបាល ក៏បានចាត់ឱ្យលោកអភិបាលខណ្ឌដង្កោ ដែលអាកាសយានដ្ឋាន ឋិតក្នុងទឹកដីរបស់ខ្លួននោះ ត្រូវរៀបចំលក្ខណៈសម្បត្តិ ឱ្យគ្រប់គ្រាន់ក្នុងការទប់ស្កាត់ក្នុងករណីមានគ្រោះអាសន្ន កើតឡើងជាមួយគ្នានោះ ត្រូវស្រង់ស្ថិតិចំនួនខ្នងផ្ទះ ដែលបានតាំងនៅជាបណ្តោះអាសន្នលើដីរដ្ឋក្បែរព្រលានអាកាសយានដ្ឋាន ដើម្បីងាយស្រួល ក្នុងការគ្រប់គ្រង និងរៀបចំគោលការណ៍ដើម្បីដោះស្រាយ។
នាឱកាសនោះ ឯកឧត្តម កែប ជុតិមា អភិបាលរាជធានីភ្នំពេញ ក៏បានជម្រុញឱ្យមន្ត្រីទទួលបន្ទុកជំនាញទាំងអស់ត្រូវយកចិត្តដាក់ និងទទួលខុសត្រូវខ្ពស់លើភារៈកិច្ចបានបែងចែក តាមការបង្កើតឱ្យមានគណៈឯកភាពគ្រប់គ្រងគ្រោះអាសន្នក្នុង និងក្បែរអាកាសយានដ្ឋាននៅរាជធានីភ្នំពេញ (ដែលមានចែងក្នុងបទបញ្ជាលេខ ០៣សរណន)។ ស្របជាមួយនេះ ឯកឧត្តម បានចាត់ឲ្យលោកនាយក និងនាយករង រដ្ឋបាលសាលារាជធានី សហការជាមួយនឹង ជំនាញពាក់ព័ន្ធ ក៏ដូចជាអាជ្ញាធរគ្រប់គ្រងអាកាសយានដ្ឋាន រៀបចំជាផែនទីទីតាំង និងតំបន់ព័ន្ធជុំវិញអាកាសយានដ្ឋាន ក្នុងរង្វង់ ៨គីឡូម៉ែត្រ ឲ្យបានល្អិតល្អន់ ព្រមទាំងបង្កើតជាគោលការណ៍ស្នូលមួយ(Guidelines) ដើម្បីអនុវត្ត នៅពេលមានគ្រោះអាសន្នកើតមានឡើង ដោយចែកជាជំហាន និងបែងចែកភារកិច្ច នៃផ្នែកពាក់ព័ន្ធឲ្យបានច្បាស់លាស់។ ហើយ ឯកឧត្តមអភិបាល ក៏បានចាត់ឱ្យលោកអភិបាលខណ្ឌដង្កោ ដែលអាកាសយានដ្ឋាន ឋិតក្នុងទឹកដីរបស់ខ្លួននោះ ត្រូវរៀបចំលក្ខណៈសម្បត្តិ ឱ្យគ្រប់គ្រាន់ក្នុងការទប់ស្កាត់ក្នុងករណីមានគ្រោះអាសន្ន កើតឡើងជាមួយគ្នានោះ ត្រូវស្រង់ស្ថិតិចំនួនខ្នងផ្ទះ ដែលបានតាំងនៅជាបណ្តោះអាសន្នលើដីរដ្ឋក្បែរព្រលានអាកាសយានដ្ឋាន ដើម្បីងាយស្រួល ក្នុងការគ្រប់គ្រង និងរៀបចំគោលការណ៍ដើម្បីដោះស្រាយ។
No comments:
Post a Comment