ដោយ ញឹម សុខន និង អ៊ឹង ប៊ុនថន
ថ្ងៃសុក្រ ទី27 កក្កដា ឆ្នាំ2012 ម៉ោង17:54
លោក ម៉ម សូណង់ដូ
ប្រធានវិទ្យុសំបុកឃ្មុំ និងជាប្រធានសមាគមអ្នកប្រជាធិបតេយ្យ
(Reuteur)
ស្តាប់សម្លេង៖
យ៉ាងនេះក្តី រដ្ឋមន្ត្រីក្រសួងព័ត៌មាន និងជាអ្នកនាំពាក្យរដ្ឋាភិបាល លោក ខៀវ កាញារិទ្ធិ ឆ្លើយតបជាមួយ VOD តាមរយៈសារអេឡិចត្រូនិច នៅក្នុងប្រព័ន្ធផ្សព្វផ្សាយសង្គម ហ្វេសបុក នៅពេលថ្មីៗនេះថា ការចាប់ខ្លួន លោក ម៉ម សូណង់ដូ មិនជាប់ពាក់ព័ន្ធនឹងវិជ្ជាជីវៈអ្នកសារព័ត៌មានទេ។
ក៏ប៉ុន្តែ ក្រោយសាលាដំបូងរាជធានីភ្នំពេញបញ្ជូន លោក ម៉ម សូណង់ដូ ទៅឃុំខ្លួននៅពន្ធនាគារព្រៃស អង្គការសង្គមស៊ីវិលចំនួន ១០យ៉ាងតិច មានអង្គការលីកាដូ មជ្ឈមណ្ឌលអប់រំច្បាប់សម្រាប់សហគមន៍ អង្គការសិទ្ធិលំនៅឋាន មជ្ឈមណ្ឌលកម្ពុជា ដើម្បីប្រព័ន្ធផ្សព្វផ្សាយឯករាជ្យ និងអង្គការមួយចំនួនទៀត បានចេញសេចក្តីថ្លែងការណ៍រួមគ្នា បង្ហាញថា ការចាប់ខ្លួនលោក ម៉ម សូណង់ដូ គឺទាក់ទងនឹងសេរីភាពសារព័ត៌មាន។
សេចក្តីថ្លែងការណ៍នោះ អះអាងថា កាលពីថ្ងៃទី២៥ ខែមិថុនា ឆ្នាំ២០១២ វិទ្យុសំបុកឃ្មុំ ដែលលោក ម៉ម សូណង់ដូ ដើរតួជាអ្នកសារព័ត៌មាន បានផ្សាយអំពី ការទទួលពាក្យបណ្តឹងថ្ងៃទី២២ ខែមិថុនា របស់តុលាការឧក្រិដ្ឋកម្មអន្តរជាតិ ICC ប្រឆាំងនឹងរាជរដ្ឋាភិបាលកម្ពុជា ពីបទឧក្រឹដ្ឋកម្មប្រឆាំងនឹងមនុស្សជាតិ។ ការផ្សាយនោះ បូករួមទាំងការសាកសួររបស់លោក ម៉ម សូណង់ ទៅលោក សួន សេរីរដ្ឋា ដែលជាដើមបណ្ដឹង និងជាអ្នកដែលរិះគន់រដ្ឋាភិបាល៕
No comments:
Post a Comment