ដោយៈស៊ន សុភក្រ្ត
DAP-News
ភ្នំពេញៈ ប្រជាពលរដ្ឋបឹងកក់ជាច្រើននាក់ នៅវេលាម៉ោង ៩ និង២០នាទីព្រឹកថ្ងៃពុធ ទី០២ ខែឧសភា ឆ្នាំ ២០១២នេះ បានផ្ទុះការតវ៉ាកាន់ខ្លាំង ដោយនាំគ្នាដង្ហែក្បួនទៅកាន់ម្តុំភូមិគ្រឹះសម្តេចនាយករដ្ឋមន្រ្តីតេជោ ហ៊ុន សែន នៅខាងជើងវិមានឯករាជ្យ ក្នុងដឹកដីខណ្ឌដូនពេញ។ ការដង្ហែក្បួននេះ ប្រជាពលរដ្ឋធ្វើ ឡើងក្នុងគោលបំណងយកញ្ញត្តិទៅដាក់នៅខុទ្ទកាល័យសម្តេចតេជោ ហ៊ុន សែន ស្វែងរកការអន្តរាគមន៍ ។
ការដង្ហែក្បួននេះ ត្រូវបានកម្លាំងចុះទៅអន្តរាគមន៍ នឹងរារាំងបញ្ចៀសការកកស្ទះចរាចរណ៍ដល់អ្នកដំណើរ ដទៃទៀត បង្កឲ្យមានការប្រឈមមុខដាក់គ្នារវាងកម្លាំងសមត្ថកិច្ច និងក្រុមប្រជាពលរដ្ឋ ប៉ុន្តែមិនបង្កឲ្យ មានការប៉ះទង្គិចអ្វីធ្ងន់ធ្ងរនោះទេ ពោលគឺកម្លាំងសមត្ថកិច្ចគ្រាន់តែទប់ រីឯប្រជាពលរដ្ឋនៅតែបង្ខំចិត្តរុល ទៅមុខមិនព្រមដកថយឡើយ។
No comments:
Post a Comment