ភ្នំពេញ: វិទ្យាស្ថានសាធារណរដ្ឋអន្តរជាតិ ហៅកាត់ថា IRI បានធ្វើបទបង្ហាញរបាយការណ៍ស្ទង់មតិសាធារណជនខ្មែរ នៅសណ្ឋាគារសាន់វេ នាព្រឹកថ្ងៃទី១០ ខែឧសភា ឆ្នាំ២០១២ ។
របាយការណ៍បង្ហាញថា តាមការសម្ភាសន៍ទល់មុខគ្នាដោយផ្ទាល់ បានធ្វើឡើងកាលពីថ្ងៃទី៣០ ខែវិច្ឆិកា ដល់ថ្ងៃទី២៥ ខែធ្នូ ឆ្នាំ២០១១ ដោយមជ្ឈមណ្ឌល សម្រាប់ការសិក្សាស្រាវជ្រាវជាន់ខ្ពស់ នៅរាជធានីភ្នំពេញ។ ដំណើរការស្រាវជ្រាវនេះ ត្រូវរៀបចំឡើង និងវិភាគ ដោយមានការសហការពីក្រុមហ៊ុន North Star Opinion Research, Inc.។
សំណើរួមមានមនុស្សសរុបចំនួនពីរពាន់នាក់ តំណាងឲ្យប្រជាជនកម្ពុជាទាំងអស់ ដែលមានអាយុ ១៨ឆ្នាំ សមមាត្រទៅតាមចំនួនប្រជាជន នៅតាមបណ្តាខេត្តនីមួយៗ ចំនួនតាមទីប្រជុំជន ទីជនបទ និងតាមភេទ។
ការស្ទង់មតិនេះ ធ្វើឡើងដោយជ្រើសរើសសំណាកចៃដន្យមួយ សម្រាប់ប្រទេសទាំងមូល ក្នុងបីដំណាក់កាល ដោយដំណាក់កាលទី១ គឺចែកចេញជា ២៤ ខេត្ត-ក្រុង ដំណាក់កាលទី២ គឺចែកតាមរបាយប្រជាជនរស់នៅទីប្រជុំជន-ទីជនបទ ដំណាក់កាលទី៣ គឺចែកតាមភេទ។
សូមបញ្ជាក់ថា ព័ត៌មានក្នុងរបាយការណ៍ស្ទង់មតិនេះ ធ្វើឡើងតាមស្តង់ដារអន្តរជាតិ ចំពោះវិធីសាស្ត្រនៃការស្រាវជ្រាវទីផ្សារ និងការស្រាវជ្រាវសង្គមនានា។ ផលបូកលេខក្នុងតារាង ឬក្នុងក្រាហ្វិកខ្លះ អាចមិនស្មើមួយរយភាគរយទេ ដោយសារការរំកិលឡើងចុះក្នុងពេលគណនា៕
No comments:
Post a Comment