សាលាដំបូងរាជធានីភ្នំពេញ សាកសួរអ្នកភូមិបឹងកក់ពីបទប្រមាថអាជ្ញាធរ
ដោយ ញឹម សុខន និង អ៊ឹង ប៊ុនថន
ថ្ងៃព្រហស្បតិ៍ ទី23 កុម្ភៈ ឆ្នាំ2012 ម៉ោង21:45
តំណាងអ្កកភូមិបឹងកក់ នាំគ្នាស្លៀកបាក់ប្រពែណីខ្មែរ
និងកាន់ព្រះពុទ្ធរូបតវ៉ាមុខសាលាដំបូងរាជធានីភ្នំពេញ
តំណាងអ្នកភូមិ៤នាក់ គឺអ្នកស្រី ទេព
វន្នី, អ្នកស្រី ហេង មុំ, អ្នកស្រី គង់ ចន្ថា និងអ្នកស្រី បូ ឆឹវី
ដែលបានចូលបំភ្លឺនៅសាលាដំបូងរាជធានីភ្នំពេញ
នៅរសៀលថ្ងៃព្រហស្បតិ៍ ទី២៣ ខែកុម្ភៈ ឆ្នាំ២០១២នេះ
បានប្រាប់អ្នកសារព័ត៌មាននៅមុខតុលាការថា
តុលាការបានសាកសួរពួកគេជិត២ម៉ោង តែមិនទាន់សម្រេចយ៉ាងណាទេ។
អ្នកភូមិបឹងកក់ទាំងនោះ
ហៅការចោទប្រកាន់របស់អាជ្ញាធររាជធានី មកលើពួកគេថា
ជារឿងអយុត្តិធម៌
ពីព្រោះពួកគាត់គ្រាន់តែតវ៉ាជំរុញអោយមន្ត្រីទាំងនោះ
បំពេញតួនាទីខ្លួនជូនពលរដ្ឋ
តាមអនុសាសន៍របស់ប្រមុខរដ្ឋាភិបាល
ដែលបានកាត់ដីនៅតំបន់បឹងកក់ មួយចំនួន
អោយពលរដ្ឋរស់នៅលើដីរបស់ខ្លួនដដែល។
តែទីបំផុតពួកគេបែរជាជាប់ចោទពីបទ ម៉ាក់ងាយ
និងប្រឆាំងនឹងមន្ត្រីសាធារណៈទៅវិញ ៖
“តុលាការគេគ្រាន់ថា គេហៅមកលើកនេះ គ្រាន់តែបង្គ្រប់និតិវិធី
គេថាមិនទាន់មានវគ្គក្រោយ ឬក៏អត់ទេ!” “បង្កើតអាជ្ញាធរ
ដើម្បីមើលសុខទុក្ខប្រជារាស្ត្រ ដែលប្រជាពលរដ្ឋមានទុកលំបាក
តែបើអាជ្ញាធរនៅពេលដែលប្រជាជនទៅសួរអាជ្ញាធរ
អាជ្ញាធរបែមកចោទប្រជាជន ថាប្រជាជននឹង
ចោទប្រកាន់តាមមន្រ្តីសាធារណៈ
សួរថាបង្កើតអាជ្ញាធរធ្វើអី?” “ជាមន្ត្រីសាធារណៈ
បើសិនជាគាត់ធ្វើខុស ប្រជាជនមានសិទ្ធិរិះគន់គាត់ហើយ
តែបើគាត់ខ្លាចប្រជាជនរិះគន់ គាន់ឈប់ធ្វើអីទាំងអស់ទៅ
គាត់ធ្វើជាបុគ្គលម្នាក់ គ្មានអ្នកណាម្នាក់ទៅរិះគន់គាត់ទេ
តែបើគាន់មន្ត្រីសាធារណៈ នៅពេលដែលគាត់ពុករលួយ
គាបសង្កត់ប្រជាពលរដ្ឋមិនចេះចប់មិនចេះហើយ
ប្រជាពលរដ្ឋស្លូតត្រង់ត្រូវតែរិះគន់
ត្រូវតែពិចារណឡើងវិញហើយ។”
នៅគ្រាតំណាងអ្នកភូមិ៤នាក់
កំពុងចូលបំភ្លឺនៅតុលាការនៅរសៀលថ្ងៃនេះ
គេសង្កេតឃើញមានពលរដ្ឋជិត ២០០នាក់ មកពី៧សហគមន៍ផ្សេងគ្នា
គឺអតីតពលរដ្ឋបុរីកីឡា អតីតអ្នកបឹងកក់ អ្នកភូមិត្រពាំងឈូក
អ្នកភូមិត្រពាំងស្គន់ និងសហគមន៍អង់តានូ ជាដើម
បានស្លៀកពាក់តាមរបៀបប្រពៃណីខែ្មរ ដោយពាក់អាវប៉ាក់ សំពត់ហូល
ប្រមូលផ្តុំគ្នា នៅជាប់របងតុលាការមួយនេះ
ដោយមានលើកបដាពាក្យស្លោក និងមានផ្ទាំងគំនូរ
ពុទ្ធប្រវត្តិជាច្រើនក្នុងបំណងជំរុញអោយតុលាការកាត់
ក្តីដោយយុត្តិធម៌ ហើយការតវ៉ាស្រែកបំពងសំឡេងនៅពេលនោះ
ក៏មានស្ត្រីវ័យចំណាស់ម្នាក់នៅភូមិ២១
នៃបឹងកក់បានដួលសន្លប់ ៖ "
ទាក់ទងនឹងរឿងជម្លោះដីធ្លីនេះ
លោកឧបនាយករដ្ឋមន្រ្តី ស ខេង រដ្ឋមន្រ្តីក្រសួងមហាផ្ទៃ
បានប្រតិកម្មដោយកម្រមួយ កាលពីដើមសប្តាហ៍នេះ
នៅពេលថ្លែងក្នុងពិធីបូកសរុបការងារក្រសួងមហាផ្ទៃឆ្នាំ២០១១
ដោយបានហៅការចាប់ខ្លួនប្រជាពលរដ្ឋដែលតវ៉ារឿងដីធ្លីទៅដាក់
គុកទាំងមិនមានកំហុស
និងការប្រើកម្លាំងប្រដាប់អាវុធទៅបង្រ្កាបលើអ្នកតវ៉ាកន្លង
មកនោះថា នឹងធ្វើអោយអន្តរជាតិចោទកម្ពុជាថា
ជាប្រទេសរំលោភសិទ្ធិមនុស្សធ្ងន់ធ្ងរ
ហើយអន្តរជាតិនឹងមិនគាំទ្របេក្ខភាពកម្ពុជា
ជាសមាជិកមិនអចិន្ត្រៃយ៍របស់អង្គការសហប្រជាជាតិ
ដែលកម្ពុជាកំពុងស្វែងរកការគាំទ្រនៅពេលនេះទេ។
ចំណែក
ជម្លោះដីធ្លីនៅតំបន់បឹងកក់ដែលកើតឡើងជិត៥ឆ្នាំមកនេះ
ពលរដ្ឋអះអាងថា ពេលនេះនៅមិនទាន់បញ្ចប់ទេ
ពីព្រោះអាជ្ញាធរមិនបានផ្តល់កម្មសិទ្ធិដីជូនពលរដ្ឋដែលមិន
ព្រមចាកចេញបានគ្រប់ចំនួននូវឡើយ៕
No comments:
Post a Comment