ចៅក្រមស៊ើបសួរ ចេញដីកាកោះហៅស្ត្រីនៅបឹងកក់ ឲ្យចូលខ្លួនបំភ្លឺ នៅថ្ងៃទី២៣កុម្ភៈ
ដោយ : មុនីរ័ត្ន (ថ្ងៃទី 18 កុម្ភៈ 2012,06:22:PM)
ភ្នំពេញ: ចៅក្រមស៊ើបសួរ នៃសាលាដំបូងរាជធានីភ្នំពេញ បានចេញដីកាកោះហៅប្រជាពលរដ្ឋតំបន់បឹងកក់ម្នាក់ ក្នុងចំណោម ៤ នាក់ ដែលត្រូវអាជ្ញាធរប្តឹង ឲ្យចូលខ្លួន ដើម្បីធ្វើការសាកសួរ នៅថ្ងៃទី២៣ ខែកុម្ភៈ ឆ្នាំ២០១២ ខាងមុខនេះ ទាក់ទងទៅនឹងការជេរប្រមាថមន្ត្រីសាធារណៈ និងរារាំងមន្ត្រីសាធារណៈ នៅក្នុងជម្លោះដីធ្លីដ៏រ៉ាំរៃនៅបឹងកក់។ នេះបើតាមការឲ្យដឹងពីអ្នកស្រី ទេព វន្នី ប្រជាពលរដ្ឋ ដែលរស់នៅតំបន់កក់ នៅរសៀលថ្ងៃទី១៨ ខែកុម្ភៈ ឆ្នាំ២០១២។
អ្នកស្រី ទេព វន្នី បានឲ្យដឹងថា លោក ឆែ វីរៈ ចៅក្រមស៊ើបសួរ នៃសាលាដំបូងរាជធានីភ្នំពេញ បានចេញដីកាកោះហៅអ្នកស្រី ឲ្យចូលខ្លួនទៅកាន់សាលាដំបូងរាជធានីភ្នំពេញ នៅថ្ងៃទី២៣ ខែកុម្ភៈ ឆ្នាំ២០១២ ខាងមុខនេះ វេលាម៉ោង ២ និង ៣០នាទី។ ដីកាកោះហៅនោះ ចុះថ្ងៃទី៦ ខែកុម្ភៈ ឆ្នាំ២០១២ ហើយអ្នកបឹងកក់ ទើបតែទទួលបាននៅពេលថ្មីៗនេះ។
អ្នកស្រី ទេព វន្នី បានបន្តថា នៅក្នុងដីកា ដែលកោះហៅឲ្យចូលខ្លួន នៅថ្ងៃទី២៣ ខែកុម្ភៈ គឺដើម្បីធ្វើការសាកសួរយកអំពីដំណើររឿងពីបទ ជេរប្រមាថអ្នករាជការសាធារណៈ និងការប្រឆាំងបញ្ជាអាជ្ញាធរសាធារណៈ។ នៅថ្ងៃនោះ អ្នកស្រី នឹងទៅតាមការហៅ ដោយក្នុងនោះ ក៏មានប្រជាពលរដ្ឋតំបន់បឹងកក់នាំគ្នា ទៅជាមួយផងដែរ ដើម្បីជួយលើកទឹកចិត្ត។
សូមជម្រាបថា ប្រជាពលរដ្ឋដែលរស់នៅតំបន់បឹងកក់ចំនួន ៤នាក់ ដែលត្រូវបានអាជ្ញាធរប្តឹងទៅកាន់តុលាការ រួមមាន ១. អ្នកស្រី ទេព វន្នី, ២. ហេង មុំ, ៣. គង់ ចន្ថា និង៤. បូ ឆវី។ ស្ត្រីអ្នកភូមិបឹងកក់ ត្រូវបានមេធាវីតំណាងឲ្យសាលារាជធានីភ្នំពេញ ប្តឹងទៅសាលាដំបូងរាជធានីភ្នំពេញ ពីបទ ជេរប្រមាថអ្នករាជការសាធារណៈ និងការប្រឆាំងបញ្ជាអាជ្ញាធរសាធារណៈ។
ការប្តឹងផ្តល់នោះ បានកើតឡើង បន្ទាប់ពីប្រជាពលរដ្ឋនៅតំបន់បឹងកក់លើកគ្នា ទៅប្រមូលផ្តុំគ្នានៅមុខសាលារាជធានីភ្នំពេញ កាលពីថ្ងៃទី២៨ ខែវិច្ឆិកា ឆ្នាំ២០១១ ដាក់លិខិតឲ្យសាលារាជធានីភ្នំពេញ បង្កើតគណកម្មការវាស់វែងព្រំប្រទល់ដីចំនួន ១២,៤៤ ហិកតា ដែលសម្តេចនាយករដ្ឋមន្ត្រី ហ៊ុន សែន បានផ្តល់ឲ្យប្រជាពលរដ្ឋនៅតំបន់បឹងកក់។ នៅពេលនោះ មានការប៉ះទង្គិចគ្នារវាងប្រជាពលរដ្ឋ និងអាជ្ញាធរមានសមត្ថកិច្ច៕
អ្នកស្រី ទេព វន្នី បានឲ្យដឹងថា លោក ឆែ វីរៈ ចៅក្រមស៊ើបសួរ នៃសាលាដំបូងរាជធានីភ្នំពេញ បានចេញដីកាកោះហៅអ្នកស្រី ឲ្យចូលខ្លួនទៅកាន់សាលាដំបូងរាជធានីភ្នំពេញ នៅថ្ងៃទី២៣ ខែកុម្ភៈ ឆ្នាំ២០១២ ខាងមុខនេះ វេលាម៉ោង ២ និង ៣០នាទី។ ដីកាកោះហៅនោះ ចុះថ្ងៃទី៦ ខែកុម្ភៈ ឆ្នាំ២០១២ ហើយអ្នកបឹងកក់ ទើបតែទទួលបាននៅពេលថ្មីៗនេះ។
អ្នកស្រី ទេព វន្នី បានបន្តថា នៅក្នុងដីកា ដែលកោះហៅឲ្យចូលខ្លួន នៅថ្ងៃទី២៣ ខែកុម្ភៈ គឺដើម្បីធ្វើការសាកសួរយកអំពីដំណើររឿងពីបទ ជេរប្រមាថអ្នករាជការសាធារណៈ និងការប្រឆាំងបញ្ជាអាជ្ញាធរសាធារណៈ។ នៅថ្ងៃនោះ អ្នកស្រី នឹងទៅតាមការហៅ ដោយក្នុងនោះ ក៏មានប្រជាពលរដ្ឋតំបន់បឹងកក់នាំគ្នា ទៅជាមួយផងដែរ ដើម្បីជួយលើកទឹកចិត្ត។
សូមជម្រាបថា ប្រជាពលរដ្ឋដែលរស់នៅតំបន់បឹងកក់ចំនួន ៤នាក់ ដែលត្រូវបានអាជ្ញាធរប្តឹងទៅកាន់តុលាការ រួមមាន ១. អ្នកស្រី ទេព វន្នី, ២. ហេង មុំ, ៣. គង់ ចន្ថា និង៤. បូ ឆវី។ ស្ត្រីអ្នកភូមិបឹងកក់ ត្រូវបានមេធាវីតំណាងឲ្យសាលារាជធានីភ្នំពេញ ប្តឹងទៅសាលាដំបូងរាជធានីភ្នំពេញ ពីបទ ជេរប្រមាថអ្នករាជការសាធារណៈ និងការប្រឆាំងបញ្ជាអាជ្ញាធរសាធារណៈ។
ការប្តឹងផ្តល់នោះ បានកើតឡើង បន្ទាប់ពីប្រជាពលរដ្ឋនៅតំបន់បឹងកក់លើកគ្នា ទៅប្រមូលផ្តុំគ្នានៅមុខសាលារាជធានីភ្នំពេញ កាលពីថ្ងៃទី២៨ ខែវិច្ឆិកា ឆ្នាំ២០១១ ដាក់លិខិតឲ្យសាលារាជធានីភ្នំពេញ បង្កើតគណកម្មការវាស់វែងព្រំប្រទល់ដីចំនួន ១២,៤៤ ហិកតា ដែលសម្តេចនាយករដ្ឋមន្ត្រី ហ៊ុន សែន បានផ្តល់ឲ្យប្រជាពលរដ្ឋនៅតំបន់បឹងកក់។ នៅពេលនោះ មានការប៉ះទង្គិចគ្នារវាងប្រជាពលរដ្ឋ និងអាជ្ញាធរមានសមត្ថកិច្ច៕
No comments:
Post a Comment