អ្នក​បឹងកក់ និង​បុរីកីឡា​តវ៉ា​រក​ដំណោះស្រាយ​ជម្លោះ​ដីធ្លី

អ្នក​បឹងកក់ និង​បុរីកីឡា​តវ៉ា​រក​ដំណោះស្រាយ​ជម្លោះ​ដីធ្លី

2013-01-21
Radio Free Asia

ប្រជាពលរដ្ឋ​តំបន់​បឹងកក់ និង​បុរីកីឡា នាំ​គ្នា​តវ៉ា​ពីរ​កន្លែង​ផ្សេង​គ្នា​នៅ​ថ្ងៃ​ទី​២១ ខែ​មករា ឆ្នាំ​២០១៣។ ក្រុម​អ្នក​ភូមិ​បឹងកក់ ប្រមាណ ៧០​នាក់ ទៅ​តវ៉ា​នៅ​មុខ​សាលា​រាជធានី​ភ្នំពេញ ដើម្បី​បង្ហាញ​លិខិត​នានា​ទៅ​អភិបាល​ក្រុង បញ្ជាក់​ថា​ពួក​គាត់​រស់នៅ​ស្រប​ច្បាប់​នៅ​លើ​ទឹកដី​តំបន់​បឹងកក់ នោះ។

ចំណែក​ឯ​ក្រុម​អ្នក​ភូមិ​បុរីកីឡា វិញ មាន​គ្នា​ប្រមាណ ៥០​នាក់ ទៅ​តវ៉ា​នៅ​មុខ​ក្រសួង​មហាផ្ទៃ មុខ​ព្រឹទ្ធសភា និង​នៅ​មុខ​ទីស្នាក់ការ​កណ្ដាល​គណបក្ស​ប្រជាជន​កម្ពុជា ដើម្បី​យក​ញត្តិ​ទៅ​ដាក់​ជូន​ថ្នាក់​ដឹកនាំ​នៃ​ស្ថាប័ន​ទាំង​នោះ ជួយ​អន្តរាគមន៍​ទៅ​ក្រុមហ៊ុន​ផានអ៊ីម៉ិច ដើម្បី​សាងសង់​អគារ​បន្ថែម​ទៀត​

១. ក្រុម​អ្នក​ភូមិ​បឹងកក់ កាន់​បដា​តវ៉ា​នៅ​មុខ​សាលា​រាជធានី​ភ្នំពេញ។ ដោយ មុំ សុផុន

២. កុមារី​ម្នាក់​កាន់​បដា​សរសេរ​ថា ដោះ​លែង យ៉ោម បុប្ផា នៅ​ពេល​ដែល​ម្ដាយ​របស់​ពួក​គេ​តវ៉ា​នៅ​សាលា​រាជធានី​ភ្នំពេញ។ ដោយ មុំ សុផុន

៣. ក្រុម​អ្នក​ភូមិ​បឹងកក់ ព្យាយាម​ចូល​ទៅ​ជួប​មន្ត្រី​សាលា​រាជធានី​ភ្នំពេញ។ ដោយ មុំ សុផុន

៤. ស្ត្រី​ម្នាក់​បាន​លើក​បដា​បង្ហាញ​ពី​ឯកសារ​នានា​បញ្ជាក់​ថា គាត់​បាន​រស់នៅ​តំបន់​បឹងកក់ ដោយ​ស្រប​ច្បាប់។ ដោយ មុំ សុផុន

៥. មន្ត្រី​សាលា​រាជធានី​ភ្នំពេញ ចរចា​ជាមួយ​ក្រុម​តំណាង​អ្នក​ភូមិ​ដែល​ចង់​ចូល​ទៅ​ជួប​មន្ត្រី​ទាំង​នោះ ដើម្បី​រក​ដំណោះស្រាយ​ដល់​អ្នក​ភូមិ​បឹងកក់។ ដោយ មុំ សុផុន

៦. ក្រុម​អ្នក​ភូមិ​បឹងកក់ កាន់​បដា​តវ៉ា​នៅ​មុខ​សាលា​រាជធានី​ភ្នំពេញ។ ដោយ មុំ សុផុន

៧. ក្រុម​ស្ត្រី​តំបន់​បឹងកក់ ស្រែក​ហៅ​មន្ត្រី​សាលា​ក្រុង ដើម្បី​ដោះស្រាយ​ឲ្យ​ពួក​គាត់​តាម​អនុក្រឹត្យ​របស់​លោក​នាយក​រដ្ឋមន្ត្រី ហ៊ុន សែន។ ដោយ មុំ សុផុន

៨. ក្រុម​អ្នក​ភូមិ​បុរីកីឡា តវ៉ា​នៅ​មុខ​ក្រសួង​មហាផ្ទៃ ដើម្បី​ឲ្យ​ថ្នាក់​ដឹកនាំ​ក្រសួង​ដោះស្រាយ​បញ្ហា​ដីធ្លី​របស់​ពួក​គាត់។ ដោយ ទេព សុរាវី

៩. អ្នក​ភូមិ​បុរីកីឡា តវ៉ា​នៅ​មុខ​ក្រសួង​មហាផ្ទៃ។ ដោយ ទេព សុរាវី

១០. រថយន្ត​របស់​ស្នងការ​ក្រុង​ភ្នំពេញ សម្រាប់​ចាប់​អ្នក​តវ៉ា ចត​នៅ​មុខ​សាលា​រាជធានី​ភ្នំពេញ។ ដោយ មុំ សុផុន